Тэрмін знаходжання без візы ў Беларусі можа быць павялічаны да 10 дзён

© Sputnik / Виктор ТолочкоПасажыры ў Нацыянальным аэрапорце "Мінск"
Пасажыры ў Нацыянальным аэрапорце Мінск - Sputnik Беларусь
Падпісацца
Зараз 10 дзён у рамках бязвізавага рэжыму замежныя турысты могуць наведваць толькі Брэст і Гродна, аднак да лета такое рашэнне можа быць прынятае ў дачыненні да паездак праз аэрапорт "Мінск".

МІНСК, 9 лют — Sputnik. Тэрмін знаходжання ў Беларусі без візы для замежных грамадзян можа быць павялічаны да 10 дзён ужо летам, паведаміў віцэ-прэм'ер Анатоль Калінін падчас выніковай калегіі міністэрства транспарту і камунікацый.

Уладзімір Макей на семінары МЗС - Sputnik Беларусь
Мінск працягне лібералізацыю візавага рэжыму з ЕС і іншымі краінамі

У цяперашні час такі доўгі час без візы могуць знаходзіцца замежнікі, якія наведваюць асобныя раёны Брэсцкай і Гродзенскай абласцей, перш за ўсё Аўгустоўскі канал і Нацыянальны парк "Белавежская пушча". Рашэнне павялічыць тэрмін да 10 дзён для турыстаў у Брэсце і Гродне было прынятае ў канцы мінулага года.

Ўлады ўжо неаднаразова анансавалі намер распаўсюдзіць гэтую практыку і на турыстаў, якія прыязджаюць у Беларусь праз Нацыянальны аэрапорт "Мінск-2".

"Што тычыцца бязвіза, то ў нас сёння 10 дзён — Брэст, Гродна і 5 дзён — праз Нацыянальны аэрапорт. Ёсць даручэнне для МЗС на працягу гэтага года, напэўна, у ліпені-жніўні будзе ўжо 10 дзён праз Нацыянальны аэрапорт", — цытуе Калініна агенцтва БелТА.

Віцэ-прэм'ер даручыў кіраўніцтву Нацыянальнага аэрапорта Мінск і авіякампаніі "Белавія" стварыць неабходныя ўмовы для гасцей краіны.

Пяцідзённы бязвізавы рэжым для грамадзян 80 краін, якія ўязджаюць у Беларусі праз аэрапорт "Мінск-2" пачаў дзейнічаць у лютым 2017 года.

Стужка навiн
0