МІНСК, 12 лют — Sputnik. Амерыканскія навукоўцы назвалі ўзрост, у якім пачынаецца старэнне чалавека, піша медыцынскі партал Med2.ru.
На думку спецыялістаў, згасанне разумовай і фізічнай актыўнасці пачынаецца ў 39 гадоў. Звязана гэта ў першую чаргу са значным скарачэннем выпрацоўкі ў арганізме міеліну — рэчыва, якое абараняе нервовыя клеткі.
У 2015 годзе навукоўцы з Універсітэта Паўночнай Караліны адзначалі, што першыя прыкметы старэння ў чалавека назіраюцца ва ўзросце 25 гадоў. У гэты момант ужо мяняецца стан скуры, нырак, печані, лёгкіх, зубоў, сасудаў і зроку. Аднак чалавек можа дапамагчы сабе падоўжыць маладосць, калі з гэтага ўзросту павялічыць фізічныя нагрузкі, канстатавалі навукоўцы.
Выданне таксама адзначае, што ў хуткім часе амерыканскія навукоўцы збіраюцца прыступіць да распрацоўкі прэпарата, які зможа падтрымліваць у арганізме неабходную колькасць міеліну, што дазволіць прыпыніць працэс старэння.
