МІНСК, 15 лют — Sputnik. Опера "Тоска" Джакама Пучыні вяртаецца ў рэпертуар Вялікага тэатра оперы і балета, прэм'ера адбудзецца 24 лютага, паведамілі Sputnik у прэс-службе тэатра.
"Опера "Тоска" — вялікі твор, у якім дзіўным чынам сплятаюцца ў адзінае цэлае драматургія і музыка. Талент Сарду, памножаны на геній Пучыні, фенаменальна ўздзейнічае на гледача. Зусім невыпадкова менавіта гэтая опера — адна з самых папулярных у свеце. Таму і мы не можам надоўга забыць яе", — падкрэсліў галоўны рэжысёр тэатра Міхаіл Панджавідзэ.
Вяртаннем "Тоскі" ён займаецца разам з італьянскім маэстра галоўным запрошаным рэжысёрам тэатра Джанлука Марчано, мастаком-пастаноўшчыкам Аляксандрам Касцючэнка і хормайстарам-пастаноўшчыкам Нінай Ламановіч.
Гэтая пастаноўка шэдэўра сусветнага опернага мастацтва на сцэне Вялікага тэатра — ўжо шостая па ліку. Папярэднія былі ў 1937, 1950, 1969, 1991 і 2010 гадах.
