Радыё

Харытонава: на Масленіцу адновім беларускія традыцыі часоў ВКЛ

© Sputnik / Александр ШурмелевМенеджар праектаў экстрым-тэатра "Берсерк" Вераніка Харытонава
Менеджар праектаў экстрым-тэатра Берсерк Вераніка Харытонава - Sputnik Беларусь
Падпісацца
Менеджар праектаў экстрым-тэатра "Берсерк" Вераніка Харытонава распавяла радыё Sputnik Беларусь пра тое, як у выхадныя 17 і 18 лютага ў музейным комплексе "Дудуткі" пройдуць традыцыйныя гулянні на свята Масленіцы.
Харитонова: на Масленицу едим блины и соревнуемся в меткой стрельбе

Масленіца — традыцыйнае славянскае свята, якое адзначаецца на працягу тыдня перад Вялікім постам. Свята азначае хуткі прыход вясны. Раней нашы продкі спальвалі пудзіла Масленіцы як сімвал заканчэння зімы і паварот да вясны і цяпла. Галоўнай стравай на сталах былі бліны з разнастайнымі начынкамі, мёдам і арэхамі. Паўсюль праходзілі гулянні, ладзіліся розныя забавы: кулачныя баі, лажанне за прызам на паліраваны слуп і іншыя забавы.

Гатуйце са Sputnik: топ-5 рэцэптаў бліноў на Масленіцу >>

"Традыцыйна патанцуем народныя танцы, паспяваем народныя песні, паскачам у мяшках і пастраляем з лука. На Масленіцу звычайна правяралі на трапнасць. Чым больш настралялі, тым багацей будзеш жыць. Ва ўсім вінаватае паляванне. Паколькі наша мерапрыемства называецца "Шляхецкай Масленіцай", у першую чаргу будуць адноўленыя традыцыі Беларусі часоў ВКЛ", — распавяла Харытонава.

Гасцей свята чакаюць разнастайныя святочныя зоны: этнаграфічная галерэя, вуліца майстроў, шацёр варажбіткі. Можна будзе прыняць удзел не толькі ў масленічных забавах, але і ў разнастайных майстар-класах, а таксама ў тэатралізаванай пастаноўцы "Провады зімы", у фінале якой гасцям давядзецца выкупляць Вясну. Таксама ўсе наведвальнікі атрымаюць магчымасць самастойна здабыць жывы агонь для масленічнага вогнішча.

Прыйшла вясёлая Масленіца: час весяліцца перад Вялікім пастом >>

Першая тысяча гасцей абсалютна бясплатна атрымае масленічны блінец. Падчас святкавання будзе дзейнічаць бясплатны трансфер Рудзенск-Дудуткі-Рудзенск. Пачатак свята — у 11:30 у суботу 17 лютага ў музейным комплексе "Дудуткі".

Гутарку з Веранікай Харытонавай слухайце ў аўдыёзапісе радыё Sputnik Беларусь.

Стужка навiн
0