Ідэю асобнага малагабарытнага жылля беларус запазычыў у нямецкага архітэктара, які будуе падобныя дамы для студэнтаў. На матэрыялы было выдаткавана каля дзвюх тысяч долараў.
Пры гэтым жыллё з'яўляецца трохузроўневым — у ім змясціліся спальня, кухня, гасцёўня і туалет, сумешчаны з душавой. Праўда, мыцца ў душы даводзіцца седзячы на ўнітазе — гэта, напэўна, адзіны мінус малагабарытнай хаткі.
Акрамя мужа і жонкі, у доме пражывае яшчэ і іх сын школьнага ўзросту. Гаспадары адзначаюць, што задумаліся пра такое жыллё, так як стаміліся плаціць за арэнду кватэры.
