МІНСК, 19 лют — Sputnik. Цырымонія гашэння паштовай маркі, прымеркаваная да стагоддзя Узброеных сіл, прайшла ў панядзелак у Цэнтральным доме афіцэраў з удзелам кіраўніка Мінабароны Андрэя Раўкова і кіраўніка Мінсувязі Сяргея Папкова.
Міністэрства сувязі і інфарматызацыі Беларусі 19 лютага выпусціла ў абарачэнне паштовую марку "100 гадоў Узброеным Сілам Рэспублікі Беларусь". У гэты ж дзень у Цэнтральным Доме афіцэраў у Мінску адбылася урачыстая цырымонія спецыяльнага гашэння паштовай маркі на канверце Першага дня памятных штэмпелем.
"Сёння Узброеныя сілы ўяўляюць сабой надзейны гарант міру на беларускай зямлі і з'яўляюцца меркай стратэгічнага стрымлівання. Свята 23 лютага — Дзень абаронцаў Айчыны і Узброеных Сіл — з'яўляецца яркім для гісторыі нашай краіны. Гэтая дата для нас сімвалічная. Яна звязаная з патрыятызмам і доблесцю тых людзей, якія працавалі і забяспечвалі Узброеныя сілы Беларусі. Выпушчаная да свята марка будзе карыстацца попытам у філатэлістаў. Гэта падзея ўвойдзе ў гісторыю", — адзначыў міністр абароны Беларусі генерал-лейтэнант Андрэй Раўкоў.
На марцы і ў аснове спецштэмпеля знаходзіцца эмблема Узброеных сіл Беларусі. Друк афсетны, поўнакаляровы. Памер маркі 52х29,6 мм. Яе тыраж складае 60 тысяч асобнікаў. Марка выраблена з выкарыстаннем тэхналогіі тэрмічнага ціснення металізаванай фальгой залацістага колеру.
Намінал "Н" адпавядае тарыфу на перасылку міжнародных простых лістоў, бандэроляў, дробных пакетаў масай да 20 грамаў.
Пасля заканчэння ўрачыстай цырымоніі Папкоў падарыў Раўкову альбом з усімі выпушчанымі маркамі ў гісторыі суверэннай Беларусі.
Кіраўнік Мінабароны у сваю чаргу ўзнагародзіў Міністра сувязі і інфарматызацыі памятнай юбілейным медалём за значны ўклад ва ўмацаванне абароназдольнасці Беларусі і будаўніцтва Узброеных сіл "100 гадоў Узброеным Сілам Рэспублікі Беларусь".
