БДУІР павялічыў кошт навучання

© Photo : БГУИРБудынак БДУІР ў Мінску
Будынак БДУІР ў Мінску - Sputnik Беларусь
Падпісацца на
НовостиTelegram
Павелічэнне кошту навучання звязваюць з ростам заробкаў і тарыфаў на камунальныя паслугі.

МІНСК, 20 лют — Sputnik. Беларускі дзяржаўны ўніверсітэт інфарматыкі і радыёэлектронікі (БДУІР) павысіў кошт навучання для студэнтаў, адпаведны загад апублікаваны на сайце ВНУ.

Беларускія ВНУ ўсталёўваюць кошт навучання напярэдадні новага навучальнага года, аднак пры неабходнасці могуць павышаць яго.

Так, з 19 лютага кошт навучання падняўся ў "IT-кузні" — БДУІР. У загадзе рэктара, размешчаным на сайце ВНУ, гэта звязваецца з павелічэннем заробкаў выкладчыкаў і ростам тарыфаў на камунальныя паслугі.

Больш за ўсіх павінны плаціць студэнты малодшых курсаў факультэта камп'ютэрных сістэм і сетак — 3020 рублёў у год. Менш за ўсё — студэнты факультэта радыётэхнікі і электронікі (накірунак адукацыі — "Прафесійнае навучанне"), там студэнты першых двух курсаў павінны будуць аддаць за год навучання 1870 рублёў.

Такім чынам, для студэнтаў малодшых курсаў год вучобы ў БДУІР падаражэў на 250 рублёў. Студэнтаў чацвёртых курсаў змена кошту навучання не закранула.

Тым студэнтам-платнікам, якія ўжо перавялі ВНУ чарговы "транш" за навучанне, неабходна будзе даплаціць. Сярэдні ўзровень даплат — каля 30 рублёў.

Раней максімальны ўзровень кошту навучання ў БДУІР быў 2750 рублёў — таксама на факультэце камп'ютэрных сістэм і сетак.

Стужка навiн
0