Усе ведаюць, што лепшы падарунак на 23 лютага — мужчынскія шкарпэткі. Брэсцкія "панчошнікі" даўно марылі падарыць сваю прадукцыю Джасціну Трудо, прэм'ер-міністру Канады. Бо палітык вядомы сваёй любоўю да яркіх, рознакаляровых шкарпэтак, якія ён апранае на самыя розныя сустрэчы. У мужчын не так шмат сродкаў для таго, каб зрабіць акцэнт у стылі на афіцыйных паседжаннях. Можна сказаць, што яркія шкарпэткі сталі яго неад'емай візітоўкай і кожны раз прымушаюць журналістаў гадаць, якое палітычнае пасланне на гэты раз зашыфравана ва ўзоры гэтага "мужчынскага аксэсуара".
Цікава, што пасылку з эксклюзіўнымі шкарпэткамі са Снупі, створанымі спецыяльна і толькі для Трудо, брэсцкае прадпрыемства адправіла яшчэ восенню мінулага года, аднак ліст з падзякай з адміністрацыі прыйшоў толькі 16 лютага. Акрамя пары ў бандэроль паклалі мужчынскія і жаночыя шкарпэткі з беларускім арнаментам у банку. Да шкарпэтак ў пасылцы прыкладаўся ліст, у якім было напісана, што Беларусь і Канада маюць шмат агульнага — напрыклад, у вядомага хакеіста Уэйна Грэцкі ёсць беларускія карані і ў Канадзе жыве вялікая беларуская дыяспара.
Чаму шкарпэткі са Снупі? Цацку ў выглядзе Снупі ў дзяцінстве Джасціну Трудо падарыла жонка прэзідэнта ЗША Рычарда Ніксана. Тады яго бацька П'ер Трудо займаў пасаду канадскага прэм'ера і сустракаўся з Ніксанам. Амерыканская пара пажадала хлопчыку ў будучыні стаць прэм'ер-міністрам Канады.
Абаяльнага маладога палітыка Джасціна Трудо любяць не толькі канадцы — увесь свет закаханы ў канадскага прэм'ера. Ліберальны палітык, лаяльны да сэксменшасцяў, грамадскі дзеяч, бакалаўр у галіне англійскай літаратуры, у мінулым — настаўнік французскага і трэнер па сноўбордынгу, Трудо пакарыў інтэрнэт сваёй эрудыцыяй (папросту патлумачыў, як працуюць квантавыя кампутары) і выкананнем індыйскіх танцаў. А памятаеце яго фота ў ёгічнай позе "маюрасана" і той кадр, дзе Трудо абдымае панд? Увогуле, прэм'еру атрымоўваецца обаять ўсіх. Палітыку дапамагаюць у гэтым жонка — журналістка, тэлевядучая і мадэль Сафі Грэгуар, а таксама трое дзяцей.
Глядзіце ў фотастужцы Sputnik, падборку самых яркіх "шкарпэткавых" вобразаў Трудо: яго "качачкі" і "Чубака" занялі першыя палосы сусветных СМІ, пацясніўшы навіны аб палітыцы і эканоміцы.
У гэтыя лютаўскія дні сям'я ў Індыі, і на гэты раз прэм'ер зусім без шкарпэтак.
