МІНСК, 21 лют — Sputnik. Рэдкую гравюру Пабла Пікаса з выявай асобы тарэадора коштам 50 тысяч долараў непрыкметна вынеслі з музея ў ЗША ў самы працоўны час, пра гэта паведамілі мясцовыя СМІ.
Крадзеж адбыўся ў галерэі мастацтваў у амерыканскім горадзе Мілуокі штат Мічыган днём 16 лютага. Карціна вісела на бачным месцы, а музей быў адкрыты для наведванняў. Злодзей непрыкметна перабраўся туды і зняў палатно са сцяны. Прапажу супрацоўнікі галерэі заўважылі толькі праз некаторы час.
Паводле папярэдняй версіі, злодзей вынес гравюру з музея паміж 12:00 і 14:00. Нягледзячы на тое, што ў галерэі дзейнічае сістэма відэаназірання, па незразумелых прычынах у дзень крадзяжу камеры не працавалі. Паліцыя спрабуе выявіць, хто скраў шэдэўр, і вывучае запісы відэакамер з суседніх будынкаў.
Гравюра з выявай асобы тарэадора была падпісаная самім Пабла Пікаса ў 1949 годзе. У свеце існуе ўсяго 30 копій гэтай карціны.
