Інклюзіўны спектакль "Дыягназ – любоў" адбудзецца ў цэнтры "Корпус"

© PixabayАнёлы
Анёлы - Sputnik Беларусь
Падпісацца на
НовостиTelegram
Тэма спектакля паказвае абсурднасць вымушанага падзелу і забарон на ўласны выбар у грамадстве, а героі граюць саміх сябе ў прапанаваных абставінах.

МІНСК, 28 лют – Sputnik. Інклюзіўны спектакль-інтэграцыя звычайных і незвычайных людзей "Дыягназ – любоў" адбудзецца ў культурным цэнтры "Корпус" 4 сакавіка, паведамілі Sputnik у цэнтры.

Спектакль Маленькі прынц у тэатры Кропка - Sputnik Беларусь
У гасцях у Маленькага прынца: у тэатры "Кропка" новая гульнявая праграма

Жыхары дома-інтэрната, акцёр-перформер і прафесійная мадэль раскажуць гісторыю кахання, якое існуе ўсюды — нават там, дзе забаронена. Па словах арганізатараў, наведвальнікаў чакае амаль рэальнае вяселле і абсалютна рэальныя танцы пасля спектакля.

"Пад рамантычны вінілавы саўнд можна будзе адчуць сябе часткай усяго, што адбудзецца на сцэне", — абяцаюць у цэнтры.

Ідэя спектакля нарадзілася ў аўтараў з разважанняў аб інклюзіі. Ім хацелася, каб у гэтым праекце людзі з асаблівасцямі і без узаемадзейнічалі на роўных. Тэма спектакля паказвае абсурднасць вымушанага падзелу і забарон на ўласны выбар у грамадстве, а героі граюць саміх сябе ў прапанаваных абставінах.

"Тэма спектакля простая і адначасова складаная — амаль як рэальнае жыццё. Што рабіць, калі каханне забаронена па прычынах, якіх не існуе? Застаецца толькі перамагчы, дзякуючы невядомым абставінам. Сюжэт шэкспіраўскі, вершы Франсуа Вийона, фінал магічны", — распавядаюць арганізатары і аўтары.

  • Рэжысура і відэа — Ксенія Галубовіч.
  • Музыка — Дзмітрый Кацяшоў.
  • Дэкарацыі — Аляксандра Траццякова.
  • Вінілавы хэпэнінг — Ульяна Дражына.

Калі: 4 сакавіка, 18:00 — 20:00.

Дзе: Культурны цэнтр "Корпус".

Кошт: free donation, вы плаціце за спектакль столькі, колькі лічыце патрэбным.

Стужка навiн
0