Выстава "Вобраз жанчыны ў фарфоры " — вынік шматгадовай працы калекцыянера Віктара Суворава. У экспазіцыі прадстаўленыя статуэткі заводаў Беларусі, Расіі, Украіны, Германіі і Латвіі. Многія з іх зараз ужо не існуюць.
Віктар Сувораў займаецца калекцыяніраваннем ужо больш за 40 гадоў. Пачынаў з латарэйных і дабрачынных квіткоў і больш за 15 гадоў захапляецца фарфорам. Сумяшчае свае захапленне з працай у Нацыянальным банку Беларусі, дзе і прайшлі першыя выставы яго калекцый.
Праект "Вобраз жанчыны ў фарфоры" прымеркаваны да Міжнароднага жаночага дню, менавіта таму ў экспазіцыі толькі частка вялікай калекцыі. Гасцей чакаюць вытанчаныя балерыны, Папялушка і Чырвоны капялюшык, Скрыначка і Гаспадыня меднай гары, а таксама маленькая Бульбачка, якую, па словах Віктара Суворава, можна лічыць сапраўдным сімвалам Беларусі. Прадстаўлена на выставе і класіка савецкіх фарфоравых статуэтак — выявы жанчын у спорце, сельскай гаспадарцы і прамысловасці.
"Вобраз жанчыны заўсёды хваляваў мастакоў. Далікатныя гераіні жывуць сваім жыццём, і кожная мае свой лёс. Калі ўвасобіць гэтую філасофію ў фарфоры, то атрымоўваецца дастатковы цікавы калейдаскоп падзей, звязаных з гісторыяй нашага горада і краіны", — падкрэсліў калекцыянер.
Паглядзець на фарфоравых прыгажунь можна ў Музеі гісторыі тэатральный і музычнай культуры да 25 сакавіка.
