У мінулыя выхадныя, 3 і 4 сакавіка, у рэспубліканскім цэнтры алімпійскай падрыхтоўкі "Раўбічы" прайшоў фінал спаборніцтваў сярод дзяцей і падлеткаў па біятлоне "Снежны снайпер". Амаль 170 юных спартсменаў з усёй рэспублікі змагаліся за медалі ў дзвюх дысцыплінах — спрынт і змешаная эстафета. У медальным заліку першае месца дасталася камандзе горада Мінска — дзевяць узнагарод (4 залатыя і 5 сярэбраных). Другое — у Магілёўскай вобласці: шэсць медалёў (3-1-3). Трэці радок належыць Мінскай вобласці — пяць медалёў (1-2-2).
Пасля цырымоніі ўзнагароджання, удзел у якой прынялі прэзідэнт Аляксандр Лукашэнка і алімпійскія чэмпіёнкі Пхенчхана 2018 Дынара Алімбекава, Дар'я Домрачава і Ірына Крыўко, кіраўнік дзяржавы сам выйшаў на лыжню. Кампанію беларускаму лідару склалі яго малодшы сын Мікалай, бронзавы прызёр Алімпіяды ў Нагана Аляксей Айдараў, прызёр Алімпійскіх гульняў па мастацкай гімнастыцы Ксенія Санковіч. У прэзідэнцкую каманду таксама ўвайшлі прэс-сакратар кіраўніка дзяржавы Наталля Эйсмант, дзяржслужачая Дар'я Шманай, доктар Святлана Канашэнка, выкладчык фізкультуры Астрашыцка-Гарадоцкай сярэдняй школы Анатоль Васько, студэнтка БНТУ Аліна Роскач, вайсковец Аляксей Брытых.
