МІНСК, 8 сак — Sputnik. У гонар Міжнароднага жаночага дня McDonald's абвясціў аб гістарычным перавароце. Праўда, на гэты раз толькі лагатыпу.
Літару М, якая сімвалізуе амерыканскую карпарацыю, перавярнулі так, што атрымалася W (ад слова women — жанчыны). Прычым зрабілі гэта як на слупе каля рэстарана хуткага харчавання ў Каліфорніі, так і на сайце кампаніі, а таксама пераапранулі ў ЗША ўвесь персанал ва ўніформу з перавернутай літарай.
"Мы прызнаем надзвычайны ўклад жанчын. Ад супрацоўнікаў, пастаўшчыкоў, партнёраў і нашых кліентаў. Мы натхнёныя вашай сілай і лідэрствам. У ЗША мы з гонарам можам сказаць, што 6 з 10 мэнэджараў рэстаранаў — жанчыны. Яны кіруюць нашым бізнесам кожны дзень. Такім чынам у гонар жанчын ва ўсім свеце мы перагортваем наш знакавы лагатып у Міжнародны жаночы дзень", — гаворыцца ў звароце кампаніі.
Заўважым, што гэты гістарычны пераварот вырабіў больш шуму ў СМІ і сацсетках, чым заява кіраўніцтва карпарацыі аб увядзенні ў меню свежай замест замарожанай ялавічыны, зробленая напярэдадні.
Пакуль свежым мясам у гамбургеры кормяць толькі наведвальнікаў 3,5 тысяч рэстаранаў у амерыканскай сеткі. Але да мая абяцаюць завесці мяса ў 14 тысяч кропак па ўсім свеце —акрамя рэстаранаў хуткага харчавання на Гаваях і Алясцы.
