На мерапрыемства прыйшлі як дзяўчыны, якія ў дзяцінстве гулялі з Барбі, так і маладыя мамы, якія хацелі паказаць сваім дзецям галоўную мару свайго дзяцінства.
Арганізатары прыдумалі мноства конкурсаў для наведвальнікаў, таксама можна было зрабіць сабе прычоску і макіяж а-ля Барбі. Дзеці маглі пагуляць у хатках Барбі, дарослыя — пафатаграфавацца са сваімі дзецьмі ў фотазоне. А са сцэны публіку забаўлялі музычныя калектывы.
Ва ўсім свеце ёсць мноства пераймальнікаў Барбі — дзяўчаты робяць сабе мноства аперацый, каб быць падобнымі на іх пластмасавага куміра. Таксама з'явіліся і пераймальнікі сябра Барбі — Кена.
