МІНСК, 11 сак — Sputnik. Беларускія сіноптыкі прагназуюць воблачнае з праясненнямі надвор'е ў панядзелак, 12 сакавіка.
Як паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды, у асобных раёнах рэспублікі чакаюцца невялікія дажджы.
Месцамі магчымы туман, раніцай і ноччу — слабы галалёд. На асобных участках дарог — галалёдзіца. Днём чакаецца парывісты вецер, ноччу — умераны.
У начныя і ранішнія гадзіны тэмпература паветра складзе ад плюс 3 да мінус 3 градусаў. У другой палове дня стане цяплей: паветра прагрэецца да 1-7 градусаў вышэй за нуль.
Па паўднёвым усходзе краіны ноччу марозу не прагназуецца — тэрмометры пакажуць 4-6 градусаў цяпла, а днём ад 8 да 14 градусаў са знакам "плюс".
