Прыемнае з карысным: у Віцебску адкрылася дабрачынная фотавыстава

© Sputnik / Павел ВурФатограф Таццяна Заплітная
Фатограф Таццяна Заплітная - Sputnik Беларусь
На выставе прадстаўлены работы 19 віцебскіх фатографаў, і, па запэўненнях удзельнікаў, гэта вельмі буйная падзея для горада.

Падобнае мерапрыемства праводзяць ужо другі раз, і, па словах удзельнікаў, усе атрыманыя грошы пойдуць Віцебскаму абласному спецыялізаванаму дому дзіцяці.

Дапамагчы з задавальненнем

"Я б хацеў назваць гэта не выставай, а праектам, паколькі мы праводзім яе ўжо другі раз, і я вельмі спадзяюся на далейшае развіццё. Бо мы тут не проста выстаўляемся, у нас ёсць пэўная мэта — сабраць грошы для Віцебскага абласнога дома дзіцяці, які яшчэ называюць Домам малюткі", — распавёў Sputnik арганізатар дабрачыннай выставы віцебскіх фатографаў, выкладчык фатаграфіі ў Віцебскім дзяржаўным тэхналагічным каледжы Аляксей Карасёў.

© Sputnik / Павел ВурАрганізатар выставы Аляксей Карасёў побач з адной са сваіх работ
Организатор выставки Алексей Карасев рядом с одной из своих работ - Sputnik Беларусь
Арганізатар выставы Аляксей Карасёў побач з адной са сваіх работ

Па словах Аляксея, ідэя правесці падобнае мерапрыемства "лунала ў паветры", паколькі медыйная прастора Віцебска запоўнена рознымі дабрачыннымі праектамі: ад дапамогі прытулку для жывёл да збору сродкаў на лячэнне дзецям. На адкрыццё першай выставы, якая прайшла ў гэты ж час год таму, фатографы запрасілі адміністрацыю дзіцячага дома. Аднак зараз фатографы вырашылі не папярэджваць аб тым, што праводзяць выставу, а зрабіць прыемны сюрпрыз і адразу перавесці грошы на рахунак арганізацыі.

© Sputnik / Павел ВурНа фотавыставе прадстаўлена каля 50 работ 19 віцебскіх фатографаў
На фотовыставке представлено около 50 работ 19 витебских фотографов - Sputnik Беларусь
На фотавыставе прадстаўлена каля 50 работ 19 віцебскіх фатографаў

Яшчэ адным новаўвядзеннем стала магчымасць купляць фотаработы адразу на выставе, праўда, забраць іх можна будзе толькі пасля яе закрыцця.

"У мінулым годзе мы прадавалі сертыфікаты на фотасесіі ў фатографаў. Зараз жа вырашылі пачаць прадаваць фатаграфіі і падчас выставы, каб гледачы таксама маглі прыняць удзел у дабрачыннасці", — распавёў Аляксей Карасёў.

© Sputnik / Павел ВурПадарункавы сертыфікат на фотасесію, грошы ад куплі якога пойдуць на дабрачыннасць
Подарочный сертификат на фотосессию, деньги от покупки которого пойдут на благотворительность - Sputnik Беларусь
Падарункавы сертыфікат на фотасесію, грошы ад куплі якога пойдуць на дабрачыннасць

Усе фотаздымкі выкананы на пластыцы памерам А2 пры дапамозе сальвентнага друку, які выкарыстоўваюць для вонкавай рэкламы, паколькі ён вельмі ўстойлівы да ўздзеянняў навакольнага асяроддзя, г.зн. набытыя фатаграфіі доўга змогуць радаваць уладальніка.

© Sputnik / Павел ВурАдна з самых правакацыйных фатаграфій на выставе, зробленая Міхаілам Міхайлавым
Одна из самых провокационных фотографий на выставке, сделанная Михаилом  Михайловым - Sputnik Беларусь
Адна з самых правакацыйных фатаграфій на выставе, зробленая Міхаілам Міхайлавым

На выставе прадстаўлены 50 фотапартрэтаў ад 19 фатографаў на агульную тэму "Жаночы вобраз, ці Як фатографы бачаць і захоўваюць прыгажосць жанчыны". Хоць, па запэўненнях арганізатараў, работ было даслана значна больш, і прыйшлося адбіраць лепшыя з іх. Лейтматывам мінулагодняй экспазіцыі была сям'я, таму і назва ў яе была адпаведная — "Сямейныя каштоўнасці".

"Мне вельмі спадабалася леташняя назва, і я хачу, каб і ўсе наступныя выставы былі аб'яднаны тэмай сямейных каштоўнасцяў", — патлумачыў Аляксей Карасёў.

© Sputnik / Павел ВурСкрыня для збору грошай на ахвяраванні
Ящик для сбора денег на пожертвования - Sputnik Беларусь
Скрыня для збору грошай на ахвяраванні

Фатограф спадзяецца, што такія выставы будуць праходзіць і ў далейшым, і з кожным разам грошай для сірот удасца збіраць больш, бо "колькі б ні сабраў, усё роўна здаецца, што гэтага недастаткова".

Буйная падзея

"У Віцебску нячаста праходзяць выставы, на якіх выстаўленыя працы некалькіх фатографаў адначасова. Напэўна, раз у год, не часцей. Таму для фотамастакоў такая выстава — значная падзея. Бо правядзенне падобных мерапрыемстваў патрабуе вялікіх матэрыяльных і фізічных выдаткаў", — распавяла ўдзельнік выставы Вольга Кацько.

На экспазіцыі прадстаўлены работы як прафесіяналаў, так і аматараў, — галоўнае, каб партрэт быў добра выкананы.

© Sputnik / Павел ВурФатограф Вольга Кацько
Фотограф Ольга Катько - Sputnik Беларусь
Фатограф Вольга Кацько

"Я ўдзельнічаю ў выставе ўжо другі год. Для мяне гэта магчымасць не толькі паказаць свае працы, але і прыцягнуць людзей да ўдзелу ў дабрачыннасці. Можна сказаць, што тут мы сумяшчаем прыемнае з карысным: паказваем гледачам прыгажосць жанчыны і дапамагаем дзецям. І гэта выдатна!" — падзялілася меркаваннем Таццяна Заплітная.

Па словах фатографа, некаторыя яе мадэлі з задавальненнем дазволілі выкарыстоўваць свае фатаграфіі ў праекце, а потым вырашылі выкупіць свае партрэты адразу на выставе.

Выстава будзе доўжыцца два тыдні ў выставачнай зале Музычная гасцёўня. За гэты час любы жыхар горада зможа не толькі паглядзець якасныя фотаработы, але і дапамагчы дзіцячаму дому.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі