МІНСК, 14 сак — Sputnik. Рысенка па мянушцы Фенікс, які жыве ў вайсковай часці 3214 унутраных войскаў у Мінску, можна назваць самым начытаным у свеце: у халодную пару года з вальера ён перабіраецца ў бібліятэку.
На працягу апошніх 15 гадоў рысь жыла на тэрыторыі вайсковай часці 3214 і была жывым знакам брыгады спецназа, але ў 2016 годзе яна памерла. Вайскоўцам вельмi хацелася мець гадаванца, таму летам 2017 года яны за свае грошы купілі ў адной з расійскіх жывёльных гаспадарак рысяня і прывезлі яго ў часць. За дзікім кацянём падахвоціўся даглядаць адзін з салдат тэрміновай службы.
Sputnik ужо распавядаў гісторыю кранальнай дружбы вайскоўца Аляксея Ліпляніна з рысенкам Феніксам >>
Зараз Феніксу дзесяць месяцаў, і ён прыкметна падрос з часу апошняй сустрэчы з карэспандэнтам Sputnik.
