https://bel.sputnik.by/20180314/orly-vozvrashchayutsya-iz-zharkih-stran-belarus-1034187858.html
Амбіцыйныя арлы вяртаюцца з цёплых краін у Беларусь
Амбіцыйныя арлы вяртаюцца з цёплых краін у Беларусь
Sputnik Беларусь
У Беларусі яшчэ стаялі лютыя маразы, але белавежскія арлы, якія зімуюць за тысячу кіламетраў адсюль, пачулі вясну і рушылі на поўнач. 14.03.2018, Sputnik Беларусь
2018-03-14T11:24+0300
2018-03-14T11:24+0300
2023-04-17T16:14+0300
навіны
галоўнае
прырода
беларусь
птушкі
прырода
https://cdnn11.img.sputnik.by/img/103221/66/1032216678_0:18:1921:1098_1920x0_80_0_0_65839c99668787485617bc4ab378e767.jpg
МІНСК, 14 сак — Sputnik. Арлы і падворлікі з Белавежскай пушчы пачалі вяртацца з паўднёвых краін, куды яны адляталі на зімоўку, паведамілі арнітолагі.Вясновая міграцыя птушак у гэтым годзе пачалася пазней, чым звычайна, з-за зацяжнога зімовага надвор'я і моцных маразоў у трэцяй дэкадзе лютага. Нягледзячы на такі характар надвор'я, самыя амбіцыйныя прадстаўнікі птушак задоўга да каляндарнай вясны адчулі наступ цяпла і адправіліся на радзіму. Беларускія арнітолагі вядуць назіранне за міграцыяй акальцаваных арлоў."Лідарам вясновага міграцыйнага марафону стала самка вялікага падворліка з Белавежскай пушчы Альжуся. Яшчэ 26 лютага, калі ў Беларусі яшчэ стаялі моцныя маразы, яна пакінула ўзбярэжжы Іанічнага мора ў Заходняй Грэцыі", — распавялі Sputnik у аўторак арнітолагі.Па іх словах, ужо 3 сакавіка амбіцыйная Альжуся перасекла мяжу з Балгарыяй і пераначавала на паўночным баку заснежаных гор.Датчыкі паказалі, што птушка ляцела на радзіму ў рэжыме "адзін дзень палёту — два дні адпачынку", сказалі арнітолагі, удакладніўшы, што ўжо праз шэсць сутак яна перасекла мяжу Румыніі, а 11 сакавіка ўвечары пераначавала каля ўкраінскай мяжы."Хоць і ляціць яна нашмат павольней, чым увосень, з дня на дзень яна павінна даляцець да роднай Белавежскай пушчы", — сказалі арнітолагі Sputnik.Па словах арнітолагаў, услед за Альжусяй вяртаецца ў Беларусь самец з буйнога лесабалотнага заказніка "Стары Жадзень" па мянушцы Блонд, які зімаваў у Паўночнай Грэцыі. У бліжэйшыя дні чакаюць вяртання яшчэ адной самкі арла Дзянісы, якая зімавала на Балканах.Па словах арнітолагаў, аднымі з першых у Беларусь вясной вяртаюцца з зімоўкі шпакі і жаўрукі, гусі, яны праводзяць зіму ў Паўднёвай Еўропе і Паўночнай Афрыцы.Увесну праз Беларусь ляцяць птушкі, якія зімавалі ў Бельгіі, Германіі, Італіі, Францыі, Іспаніі, на Міжземнаморскім узбярэжжы, краінах Паўночнай Афрыкі. У рэспубліку на гнездзішча і праз яе тэрыторыю ляціць больш за 90 відаў вадаплаўных і каляводных птушак: гусі, качкі, гагары, бакланы, буслы, чаплі, журавы, чайкі і кулікі.
беларусь
Sputnik Беларусь
media@sputniknews.com
+74956456601
MIA „Rosiya Segodnya“
2018
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
навіны , галоўнае, прырода, беларусь, птушкі, прырода
навіны , галоўнае, прырода, беларусь, птушкі, прырода
Амбіцыйныя арлы вяртаюцца з цёплых краін у Беларусь
11:24 14.03.2018 (абноўлена: 16:14 17.04.2023) У Беларусі яшчэ стаялі лютыя маразы, але белавежскія арлы, якія зімуюць за тысячу кіламетраў адсюль, пачулі вясну і рушылі на поўнач.
МІНСК, 14 сак — Sputnik. Арлы і падворлікі з Белавежскай пушчы пачалі вяртацца з паўднёвых краін, куды яны адляталі на зімоўку, паведамілі арнітолагі.
Вясновая міграцыя птушак у гэтым годзе пачалася пазней, чым звычайна, з-за зацяжнога зімовага надвор'я і моцных маразоў у трэцяй дэкадзе лютага. Нягледзячы на такі характар надвор'я, самыя амбіцыйныя прадстаўнікі птушак задоўга да каляндарнай вясны адчулі наступ цяпла і адправіліся на радзіму. Беларускія арнітолагі вядуць назіранне за міграцыяй акальцаваных арлоў.
"Лідарам вясновага міграцыйнага марафону стала самка вялікага падворліка з Белавежскай пушчы Альжуся. Яшчэ 26 лютага, калі ў Беларусі яшчэ стаялі моцныя маразы, яна пакінула ўзбярэжжы Іанічнага мора ў Заходняй Грэцыі", — распавялі Sputnik у аўторак арнітолагі.
Па іх словах, ужо 3 сакавіка амбіцыйная Альжуся перасекла мяжу з Балгарыяй і пераначавала на паўночным баку заснежаных гор.
Датчыкі паказалі, што птушка ляцела на радзіму ў рэжыме "адзін дзень палёту — два дні адпачынку", сказалі арнітолагі, удакладніўшы, што ўжо праз шэсць сутак яна перасекла мяжу Румыніі, а 11 сакавіка ўвечары пераначавала каля ўкраінскай мяжы.
"Хоць і ляціць яна нашмат павольней, чым увосень, з дня на дзень яна павінна даляцець да роднай Белавежскай пушчы", — сказалі арнітолагі Sputnik.
Па словах арнітолагаў, услед за Альжусяй вяртаецца ў Беларусь самец з буйнога лесабалотнага заказніка "Стары Жадзень" па мянушцы Блонд, які зімаваў у Паўночнай Грэцыі. У бліжэйшыя дні чакаюць вяртання яшчэ адной самкі арла Дзянісы, якая зімавала на Балканах.
Па словах арнітолагаў, аднымі з першых у Беларусь вясной вяртаюцца з зімоўкі шпакі і жаўрукі, гусі, яны праводзяць зіму ў Паўднёвай Еўропе і Паўночнай Афрыцы.
Увесну праз Беларусь ляцяць птушкі, якія зімавалі ў Бельгіі, Германіі, Італіі, Францыі, Іспаніі, на Міжземнаморскім узбярэжжы, краінах Паўночнай Афрыкі. У рэспубліку на гнездзішча і праз яе тэрыторыю ляціць больш за 90 відаў вадаплаўных і каляводных птушак: гусі, качкі, гагары, бакланы, буслы, чаплі, журавы, чайкі і кулікі.
