МІНСК, 19 сак – Sputnik. Святочны канцэрт, прысвечаны 340-годдзю з дня нараджэння Антоніа Вівальдзі, пройдзе 24 сакавіка ў 19:00 у канцэртнай зале Верхні горад.
У праграме два канцэрты для скрыпкі сола і аркестра (Соль мінор RV 157 і Соль мажор RV 151), аркестравыя канцэрты (До мінор RV 199 і Рэ мажор RV 207), а таксама дзве харавыя кантаты Dixi Dominum і Gloria.
Выканаўцы — заслужаны калектыў Рэспублікі Беларусь музычная капэла Sonorus, галоўны дырыжор — лаўрэат міжнародных конкурсаў Аляксандр Хумала.
Салісты — лаўрэаты рэспубліканскіх і міжнародных конкурсаў Кацярына Пукст (скрыпка), Наталля Ісялёнак (сапрана), Галіна Сакольнік (мецца-сапрана). Дырыжор — Мурад Асуіл.
Антоніа Вівальдзі вядомы як аўтар больш за 400 скрыпічных канцэртаў, духоўных твораў і опер. Ён ствараў як духоўную, так і свецкую музыку, яго творы гучалі і ў царкве, і на свецкіх прыёмах. Музыка барока адрозніваецца эмацыянальнасцю і меладычным багаццем аркестровых партый. Яна цалкам увасабляе прыгажосць і пышнасць эпохі.
Кошт квіткоў — ад 8 руб, тэлефон касы: 327-39-44.
