Скарачаць колькасць ВНУ ў Беларусі пакуль не будуць

© Sputnik / Александр Кондратюк / Перайсці ў медыябанкСтудэнты ў аўдыторыі, архіўнае фота
Студэнты ў аўдыторыі, архіўнае фота - Sputnik Беларусь
Падпісацца на
НовостиTelegram
Мінадукацыі плануе аптымізаваць колькасць спецыяльнасцяў, аднак ВНУ пакуль чапаць не будуць.

МІНСК, 21 сак — Sputnik. Колькасць вышэйшых навучальных устаноў скарачаць ў Беларусі ў бліжэйшы час не плануецца, заявіў у сераду журналістам міністр адукацыі Ігар Карпенка.

Аптымізаваць сістэму вышэйшай адукацыі яшчэ ў мінулым годзе запатрабавалі і кіраўнік дзяржавы, і віцэ-прэм'ер Жарко: многія ВНУ рыхтуюць спецыялістаў па спецыяльнасцях, якія дублююць адна адну, і чыноўнікі планавалі разабрацца з сітуацыяй.

Як сказаў у сераду Карпенка, сёння Мінадукацыі працягвае працаваць над упарадкаваннем сітуацыі, скарачэннем колькасці спецыяльнасцяў і напрамкаў дзейнасці.

"У той жа час змяншаць колькасць ВНУ ў бліжэйшы час не плануецца", — дадаў Карпенка.

Працягваюць удасканальваць і сістэму прагназавання кадравых патрэбаў эканомікі. Мінэканомікі будзе кожны год распрацоўваць дэмаграфічны прагноз, а Мінпрацы — прагноз па балансе працоўных рэсурсаў.

Ведамствы неўзабаве павінны зацвердзіць план прыёму на 2018 год і вызначыцца з тым, колькі студэнтаў і на якія спецыяльнасці запросяць у бліжэйшую ўступную кампанію. Пакуль такая інфармацыя не друкавалася, таксама невядома, якія спецыяльнасці будуць сапраўды скарочаныя.

Стужка навiн
0