Фотафакт: у музеі прадставілі абраз да дня нараджэння мітрапаліта Філарэта

© Sputnik / Анастасия ВолчокАбраз "Выбраныя святыя ў маленні"
Абраз Выбраныя святыя ў маленні - Sputnik Беларусь
Адметнай рысай твора з’яўляецца яго незвычайная іканаграфія.

МІНСК, 21 сак – Sputnik. Абраз "Выбраныя святыя (апосталы Пётр і Павел, прарок Ілля, вялебны Макарый Жаўтаводскі, Унжэнскі) у маленні" прэзентавалі ў Нацыянальным мастацкім музеі з нагоды дня нараджэння мітрапаліта Мінскага і Слуцкага, ганаровага Патрыяршага Экзарха ўсяе Беларусі Філарэта, паведамляе карэспандэнт Sputnik.

Абраз створаны рускім іканапісцам у першай палове XIX стагоддзя. Адметнай рысай твора з’яўляецца выбар персанажаў.

© Sputnik / Анастасия ВолчокПрэзентацыя абраза прайшла ў Нацыянальным мастацкім музеі
Фотафакт: у музеі прадставілі абраз да дня нараджэння мітрапаліта Філарэта - Sputnik Беларусь
Прэзентацыя абраза прайшла ў Нацыянальным мастацкім музеі

"Традыцыйна прынята спалучэнне святых Пятра і Паўла, Іллі і Елісея (або Майсея). Малюнак вялебнага Макарыя (1349-1444), магчыма, звязаны з заказным характарам іконы, дзе паказаны святыя заступнікі роду", — пракаментаваў іканаграфію Уладзімір Пракапцоў, дырэктар Нацыянальнага мастацкага музею.

Па яго словах, святы Макарый вядомы як заснавальнік шэрагу манастыроў у раёне Ніжняга Ноўгарада і Кастрамы.

Абраз быў перададзены ў дар беларускаму музею ў лютым 2018 года мастаком Аляксандрам Малярэвічам, якi вядомы ў галiне манументальна-дэкаратыўнага мастацтва. Ён расказаў, што знайшоў абраз — у шафе сярод непатрэбных рэчаў — і не ведае былога гаспадара. Абраз ляжаў некалькі гадоў, а потым пачалі разважаць, куды яго можна аддаць. Патэлефанавалі ў музей, прыехалі спецыялісты, забралі абраз і адрэстаўравалі яго.

© Sputnik / Анастасия ВолчокМастак Аляксандр Малярэвіч
Фотафакт: у музеі прадставілі абраз да дня нараджэння мітрапаліта Філарэта - Sputnik Беларусь
Мастак Аляксандр Малярэвіч

Выстава будзе працаваць да 9 красавіка.

Мітрапаліту Мінскаму і Слуцкаму сёння споўнілася 83 гады. З урачыстай падзеяй мітрапаліта ўжо павіншаваў прэзідэнт Беларусі Аляксандр Лукашэнка.

"Ваш вопыт архіпастыра і настаўніка запатрабаваны ў сучасных умовах і дапамагае ўмацаванню духоўнага адзінства беларускага грамадства", — гаворыцца ў віншаванні.

Кіраўнік дзяржавы таксама адзначыў, што сваім служэннем мітрапаліт Філарэт унёс вялікі ўклад у развіццё Беларускай праваслаўнай царквы, а яго агульнапрызнаны аўтарытэт заўсёды дапамагаў у вырашэнні важных дзяржаўна-царкоўных пытанняў.

Мітрапаліт Філарэт (Кірыл Варфаламеевіч Вахрамееў) нарадзіўся 21 сакавіка 1935 года ў Маскве. Быў старшынёй Аддзела знешніх царкоўных зносін Маскоўскага Патрыярхата, пастаянным членам Святога Сінода РПЦ. У 1989 годзе быў прызначаны Патрыяршым Экзархам усяе Беларусі, гэтую пасаду ён займаў да 2013 года.

Ён сышоў на пенсію ў сувязі з дасягненнем 75-годдзя ў снежні 2013 года. Прашэнне аб сыходзе на супакой задаволіў Святы Сінод Рускай праваслаўнай царквы на пасяджэнні ў Маскве.

Стужка навiн
0
Спачатку новыяСпачатку старыя
loader
У эфіры
Заголовок открываемого материала