Вочы, якія глядзяць у душу: у Мінску адкрылася выстава Ісачова

© Sputnik Анастасия Волчок"Ісус Хрыстос"
Ісус Хрыстос - Sputnik Беларусь
Сярод прадстаўленых на выставе карцін - знакамітыя палотны "Ісус Хрыстос", "Дрыяда", "Ізіда".

МІНСК, 22 сак — Sputnik. Выстава жывапісных і графічных работ Аляксандра Ісачова "Ля забытых алтароў" адкрылася ў мінскай галерэі "Арцель". Яна прымеркавана да 30-годдзя выставы мастака ў палацы Прафсаюзаў — людзі тады выстойвалі вялізныя чэргі, каб зірнуць на творы Ісачова.

На выставе прадстаўлены каля 70 эскізаў і карцін з калекцыі Алега Арлова. Мастак, музыкант, калекцыянер твораў мастацтва, ён з пачатку нулявых гадоў збірае работы Аляксандра Ісачова і гаворыць, што ў тым, як складалася яго калекцыя, ёсць нешта містычнае.

© Sputnik Анастасия ВолчокТрыпціх Магія: "Індыя", "Еўропа", "Сярэднявечча"
Трыпціх Магія: Індыя, Еўропа, Сярэднявечча - Sputnik Беларусь
Трыпціх Магія: "Індыя", "Еўропа", "Сярэднявечча"

Так, літаральна месяц таму яму ўдалося купіць часткі страчанай карціны "Магія" — яны на працягу 35 гадоў захоўваліся ў жыхара Рэчыцы.

© Sputnik Анастасия ВолчокКалекцыянер Алег Арлоў месяц таму набыў фрагмент карціны "Магія"
Калекцыянер Алег Арлоў месяц таму набыў фрагмент карціны Магія - Sputnik Беларусь
Калекцыянер Алег Арлоў месяц таму набыў фрагмент карціны "Магія"

Таксама на выставе можна ўбачыць фрагмент няскончанай карціны "Дыяніс", разарванай папалам самім мастаком.

© Sputnik Анастасия Волчок"Дыяніс", фрагмент
Дыяніс, фрагмент - Sputnik Беларусь
"Дыяніс", фрагмент

Выстава "Ля забытых алтароў" — 17-я па ліку ў Беларусі. Кожны раз выстава твораў Ісачова прыцягвае мноства аматараў мастацтва.

"Я бачыў, як людзі плачуць, стоячы перад карцінамі", — распавёў Алег Арлоў.

© Sputnik Анастасия Волчок"Прарок", "Лот", "Цар Саламон"
Прарок, Лот, Цар Саламон - Sputnik Беларусь
"Прарок", "Лот", "Цар Саламон"

У сваёй творчасці Аляксандр Ісачоў звяртаўся да рэлігійнай і міфалагічнай тэматыкі. Сярод прадстаўленых на выставе карцін — знакамітыя палотны "Ісус Хрыстос", "Дрыяда", "Ізіда".

© Sputnik Анастасия Волчок"Акно", "Ізіда"
Акно, Ізіда - Sputnik Беларусь
"Акно", "Ізіда"

Па словах Алега Арлова, жывапіс Ісачова ні аднаго чалавека не пакідае абыякавым: хтосьці хваліць мастака, які рана пакінуў гэты свет, хтосьці, у асноўным людзі з прафесійнай мастацкай адукацыяй, называе яго творы кічам. Але нельга не прызнаць, што Ісачоў, які год не дажыў да ўзросту Хрыста, што сумна і строга пазірае на наведвальнікаў галерэі з яго карцін, пакінуў гіганцкую культурную спадчыну, палотны Ісачова знаходзяцца ў прыватных калекцыях па ўсім свеце, і нават два экс-прэзідэнта — Жак Шырак і Рональд Рэйган — захоўваюць карціны рэчыцкага мастака.

© Sputnik Анастасия ВолчокЖывапіс Ісачова нікога не пакідае абыякавым
Жывапіс Ісачова нікога не пакідае абыякавым  - Sputnik Беларусь
Жывапіс Ісачова нікога не пакідае абыякавым

Жыццю і творчасці Аляксандра Ісачова прысвечаны шматлікія артыкулы — не толькі ў прэсе, але і ў акадэмічных выданнях, выпушчана некалькі каталогаў яго твораў, а ў 1987 годзе на кінастудыі "Беларусьфільм" выйшаў паўнаметражны дакументальны фільм "Не плачце па мне…" рэжысёра Анатоля Алая, асноўная частка якога была знятая падчас першай выставы мастака.

© Sputnik Анастасия ВолчокАлег Арлоў дэманструе каталог твораў Ісачова. На стале - падручнік гісторыі Беларусі за 9 клас, дзе мастаку прысвечаны параграф
Алег Арлоў дэманструе каталог твораў Ісачова. На стале - падручнік гісторыі Беларусі за 9 клас, дзе мастаку прысвечаны параграф - Sputnik Беларусь
Алег Арлоў дэманструе каталог твораў Ісачова. На стале - падручнік гісторыі Беларусі за 9 клас, дзе мастаку прысвечаны параграф

Аляксандр Ісачоў нарадзіўся 11 студзеня 1955 года ў пасёлку Азарычы Калінкавіцкага раёна Гомельскай вобласці. У пачатку 70-х гадоў жыў у Ленінградзе, дзе ствараў абстрактныя і сюррэалістычныя карціны і ўдзельнічаў у выставах мясцовага андэграўнду. У сярэдзіне 1970-х Ісачоў вярнуўся ў Рэчыцу, дзе і стварыў свае асноўныя творы. Ён напісаў мноства ікон для Рэчыцкай царквы, распісаў храм у Мазыры. 5 снежня 1987 года (праз тры днi пасля заканчэння першай у сваім жыцці персанальнай выставы ў Рэчыцы, якую наведала каля 20 тысяч гледачоў) Ісачоў памёр ад сардэчнага прыступу каля мальберта ў сваёй майстэрні. За свае 32 гады Аляксандр Ісачоў стварыў каля 500 жывапісных карцін і тысячы графічных работ.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі