МІНСК, 24 сак — Sputnik. Да 10 градусаў цяпла чакаецца ў краіне 25 сакавіка, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
У нядзелю на большай частцы тэрыторыі Беларусі прагназуецца пераменная воблачнасць, без ападкаў.
Удзень сіноптыкі абяцаюць у асноўным станоўчыя тэмпературы: 10-11 градусаў плюс. Аднак уначы слупок тэрмометра будзе вагацца каля нуля — ад некалькіх градусаў вышэй нуля да мінус 10 (на паўднёвым усходзе краіны).
Раніцай у асобных раёнах слабы туман, месцамі на дарогах галалёдзіца. Ападкі не чакаюцца.
Як паведамілі ў цэнтры, вецер будзе паўднёва-заходні. Уначы слабы, удзень умераны, па поўначы — парывісты.
