МІНСК, 24 сак — Sputnik. Беларускай біятланістцы Надзеі Скардзіна ўручылі ў Цюмені малы Крышталёвы глобус, ўзнагароду спартсменка зарабіла дзякуючы перамозе ў агульным заліку індывідуальных гонак Кубка свету бягучага сезона.
Каштоўны прыз спартсменка атрымала ў пятніцу, 23 сакавіка, пасля жаночага спрынта ў рамках заключнага этапу Кубка свету па біятлоне ў Цюмені.
And if you talk about joy, you can just as well depict it with the smile of Nadezhda Skardino: first ever world cup win, first ever Olympic gold and finally a crystal globe all in one season! You can watch back her win in Oestersund on https://t.co/Z1cUg23KzH pic.twitter.com/RRGeRa7prS
— IBU World Cup (@IBU_WC) 23 марта 2018 г.
У першай "індывідуалцы" сезона ў шведскім Эстэрсундзе Скардзіна святкавала перамогу і набрала 60 балаў. У нямецкім Рупольдынгу яна прыйшла да фінішу сёмай і па выніках гонкі набрала 36 ачкоў.
Такім чынам, усяго ў актыве беларускай спартсменкі 96 ачкоў. У яе бліжэйшай праследавацельніцы Юліі Джым — 91.
У пятніцу на этапе ў Цюмені Скардзіна стала 47-й у спрынце на 7,5 кіламетра, перамогу ў гэты дзень святкавала беларуска Дар'я Домрачава.
"Самай галоўнай узнагародай у кар'еры было золата Алімпіяды ў Пхенчхане ў эстафеце, другой — бронза Гульняў у Сочы ў "індывідуалцы", а вось гэты глобус па значнасці для мяне трэцяя ўзнагарода. Калі казаць аб працягу сваёй кар'еры, то гэта складанае пытанне, на якое я не магу адназначна адказаць. Трэба адпачыць, потым ужо абдумаць — заканчваць або працягваць", — распавяла журналістам Скардзіна.
Таксама ў гэтую пятніцу славацкая біятланістка Анасатасия Кузьміна перамагла ў заліку спрынтэрскіх гонак па выніках Кубка свету бягучага сезона.
Упершыню ў кар'еры спартсменка атрымала малы Крышталёвы глобус у якой-небудзь з дысцыплін.
У суботу, 24 сакавіка, у Цюмені пройдуць дзве гонкі — мужчынскі (12,5 кіламетраў) і жаночы (10 кіламетраў) пасьюты.
