МІНСК, 2 кра — Sputnik. Беларускі баксёр Дзмітрый Асанаў (вагавая катэгорыя да 60 кг) выйграў чэмпіянат Еўропы сярод моладзі (U22).
У фінале беларусу супрацьстаяў расіянін Альберт Батыргазіеў. Суддзі аднагалосна прысудзілі перамогу Асанаву з лікам 5:0.
"Наш спартсмен дыктаваў суперніку ўмовы на працягу ўсяго спаборніцтва і заслужана быў прызнаны пераможцам бою. Віншуем спартсмена і трэнераў, якія працуюць з ім! Жадаем не спыняцца на дасягнутым і новых гучных перамог на славу айчыннай школы бокса", — сказалі ў прэс-службе Беларускай федэрацыі бокса.
Для беларускага баксёра золата кантынентальнага першынства — не першая ўзнагарода ў скарбонцы. Да гэтага Асанаў быў сярэбраным прызёрам першых Еўрапейскіх гульняў у Баку і выйграваў бронзу на дарослым Чэмпіянаце свету ў 2015 годзе. Гэтыя медалі ён заваёўваў у вагавой катэгорыі да 56 кг.
Чэмпіянат Еўропы сярод спартсменаў ва ўзросце 19-22 гадоў праходзіў ў румынскім Тыргу-Жыу з 25 сакавіка па 1 красавіка.
