МІНСК, 3 кра — Sputnik. Урад і рэгіянальныя ўлады будуць працаваць над рэалізацыяй канцэпцыі "вёска будучыні", паведаміў прэзідэнт Беларусі Аляксандр Лукашэнка.
"Даручаю ўраду сумесна з рэгіёнамі выпрацаваць дзейсны механізм рэалізацыі канцэпцыі "вёска будучыні" з улікам рэгіянальных асаблівасцяў", — сказаў кіраўнік дзяржавы.
Раней у лістападзе 2017-га аб рэалізацыі канцэпцыі "вёска будучыні" распавёў парламентарыям віцэ-прэм'ер урада Беларусі Міхаіл Русы.
Паводле яго слоў, маецца канкрэтнае даручэнне Лукашэнкі, якое тычыцца прывядзення ў парадак пасёлкаў, а таксама рэалізацыі праекта аб стварэнні вёскі новага тыпу.
Русы растлумачыў, што практычна аформіцца праект у 2018 годзе. Канцэпцыю праекта выпрацоўвае Міністэрства архітэктуры і будаўніцтва.
Паводле яго слоў, прыкладам такіх новых населеных пунктаў паслужаць вёска Копысь і аграгарадок Верцялішкі.
"Кіраўнік дзяржавы даручыў, вызначыўшы канкрэтна, якія населеныя пункты стануць "вёскамі будучыні", па максімуме задзейнічаць аб'екты, якія захаваліся на іх тэрыторыі, і стварыць новыя", — сказаў Русы.
Рэалізацыя праекта накіравана на захаванне працоўных месцаў у сельскай мясцовасці і стварэнне новых. Віцэ-прэм'ер лічыць важным, каб на сяло прыйшлі IT-тэхналогіі.
