МІНСК, 6 кра — Sputnik. Аб'яднанне вытворцаў пад эгідай холдынгу "Белфармпром" плануюць завяршыць да мая, абвясціў намеснік гендырэктара РУП "Кіруючая кампанія холдынгу "Белфармпром" Віктар Шэін.
Пакуль што з 37 прадпрыемстваў, якія маюць ліцэнзію на вытворчасць у Беларусі лекавых сродкаў, "Белфармпром" аб'ядноўвае 26 арганізацый. Усе кампаніі павінны ўвайсці ў склад холдынгу да 1 мая.
Ад прадпрыемстваў чакаюць, што яны аб'яднаюць намаганні для вываду прадукцыі на рынкі трэціх краін. Кожны завод у асобнасці можа прадаваць сваю лінейку лекаў, але калі яе дапоўняць спадарожныя вырабы, напрыклад, шпрыцы, для патэнцыйнага спажыўца, такая прапанова будзе больш прывабнай.
У рамках холдынгу плануюць павышаць інвестыцыйную прывабнасць галіны. У холдынгу спадзяюцца прыцягнуць не толькі грашовыя ўліванні, але і тэхналогіі.
