МІНСК, 10 кра — Sputnik. Трыумфальная арка, частка архітэктурнага комплексу XVIII стагоддзя, якую мясцовыя жыхары называюць "Брама Радзівілаў", пачала рассыпацца ў канцы зімы. Зараз дарога, якая некалі пралягала пад аркай, ідзе ў абыход, а неабыякавыя жыхары навакольных вёсак паведамілі парталу 0154.by аб тым, што аварыйны помнік архітэктуры могуць знесці.
Ад маёнтка, які некалі належаў Радзівілам, мала што засталося — частка аркі і некалькі цагляных будынкаў.
Руіны комплексу знаходзяцца паміж вёскамі Вялікае Сяло і Жырмуны ў Лідскім раёне. Гэты маёнтак будаваў у канцы XVIII стагоддзя князь Станіслаў Радзівіл. Па першапачатковай задумцы, тут павінен быў быць вялікі палацавы комплекс, аднак сам палац так і не быў пабудаваны, а флігелі паступова прыходзілі ў заняпад, хоць іх працягвалі выкарыстоўваць мясцовыя жыхары – напрыклад, пасля вайны ў адным з гэтых будынкаў працавала школа.
Цяпер паўразбураны комплекс знаходзіцца ў жудасным стане.
"Раней дарога праходзіла пад аркай, але вялікая яе частка ўпала. Добра, што побач не было людзей", — кажа старшыня Крупаўскага сельсавета Руслан Мельнік.
Паводле яго слоў, на месца выязджала камісія з Лідскага райвыканкама. Дарога цяпер абгінае "браму", аднак па ёй цяжка праехаць з-за глыбіні каляін.
![Брама Радзівілаў у Лідскім раёне Брама Радзівілаў у Лідскім раёне - Sputnik Беларусь](https://cdnn11.img.sputnik.by/img/103474/54/1034745421_0:0:1200:800_600x0_80_0_0_81b8ba2e163112d2e3affa7cc5f76f40.jpg)
Тым не меньш гаворкі пра тое, каб знесці арку, якая рассыпаецца практычна на вачах, пакуль не ідзе.
"Там пяць дамоў за гэтай аркай, трэба перанакіраваць дарогу", — паведаміла Sputnik загадчыца сектара культуры аддзела ідэалагічнай работы, культуры і па справах моладзі Лідскага райвыканкама Марыя Дукі.
Паводле яе слоў, руіны сядзібы не ўключаны ў Спіс гісторыка-культурных каштоўнасцяў Рэспублікі Беларусь, і гаворкі пра яе рэстаўрацыю ніколі не ішло. Арка, якая так турбуе мясцовых жыхароў, знаходзіцца ў самым жаласным стане.
"Яна ёсць, але яна сыплецца. Столькі гадоў на яе ўплывалі ўмовы надвор'я, яна не ахоўвалася, не рэстаўраваўся. Калі яе крануць, яна рассыплецца", — адзначыла Марыя Дукі.
Загадчыца сектара культуры падкрэсліла, што арку лепш абгарадзіць і, за адсутнасцю іншых варыянтаў, дазволіць ёй разбурыцца натуральным шляхам, а пакуль няхай яна цешыць вочы мінакоў.