МІНСК, 12 кра — Sputnik. Халаднаватае надвор'е захаваецца ў Беларусі ў бліжэйшыя дні, начамі месцамі чакаюцца замаразкі да —3°С, паведамілі Sputnik у сераду ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Пахаладанне ў рэспубліку пасля па-гадоваму цёплых дзён, калі на поўдні Беларусі тэмпература паветра дасягала +25°С, прынёс антыцыклон са Скандынавіі.
Паводле інфармацыі Гідрамета, перыферыя гэтага антыцыклону будзе вызначаць надвор'е ў краіне і ў чацвер 12 красавіка: ноччу і раніцай тэмпература паветра панізіцца месцамі да —2°С, днём пацяплее да +10..+16°С, на паўднёвым захадзе краіны — да +20°С.
У наступныя два дні, у пятніцу і суботу, ноччу таксама магчымыя замаразкі да —3°С, днём максімальная тэмпература складзе ад +11 да +17°С, у паўднёва-заходніх раёнах Беларусі — да +22°С.
Вчера, кстати, было два четвертака https://t.co/3zs1Jcs2U8.
— Блізкі космас (@nadvorie) 11 апреля 2018 г.
Карта максимумов за 10.04.2018 pic.twitter.com/vy1Avb2EAY
У нядзелю 14 красавіка па захадзе краіны прагназуюцца кароткачасовыя дажджы, ноччу тэмпература яшчэ можа апускацца ніжэй за нуль, днём паветра прагрэецца да +18°С. І зноў цяплей будзе на поўдні Беларусі — там сіноптыкі абяцаюць днём да +21°С.
