ВІЦЕБСК, 13 кра — Sputnik. З-за вясновай паводкі Дзвіна затапіла набярэжную ў Віцебску, але яе ўзровень далёка не крытычны, растлумачылі Sputnik у Віцебскім абласным цэнтры па гідраметэаралогіі і маніторынгу навакольнага асяроддзя.
Работнікі цэнтра чакаюць фарміравання піка паводкі ў бліжэйшыя дні.
"Далейшага затаплення не будзе, фактычна рост узроўню вады запаволіўся і ў хуткім часе пойдзе на спад", — распавяла карэспандэнту Sputnik інжынер-гідралогіі першай катэгорыі Таццяна Кодзінцава.
Па словах суразмоўніцы, сёння ўзровень вады ў Віцебску складае 594 сантыметра ад нуля посту, у той час як небяспечна высокі — 1024 сантыметры.
Мясцовыя рыбакі распавялі Sputnik, што паводка не перашкаджае ім займацца сваім улюбёным хобі, аднак паляпшэння клева яны пакуль не назіраюць.
Самы высокі ўзровень вады ў гісторыі назіранняў быў падчас затаплення 1931 года, тады Дзвіна настолькі выйшла з берагоў, што па некаторых вуліцах Віцебска можна было толькі праплысці на лодках. Тады ўзровень вады склаў 1268 сантыметраў ад нуля посту.
