МІНСК, 13 кра — Sputnik. Інстытут журналістыкі Белдзяржуніверсітэта будзе рэарганізаваны — з яго складу выведуць факультэт перападрыхтоўкі і павышэння кваліфікацыі, такое рашэнне было прынята ў пятніцу на пасяджэнні Савета БДУ.
Аб магчымым рэфармаванні Інстытута журналістыкі пачалі казаць пасля змены міністра адукацыі і кіраўніцтва БДУ, аднак рашэнне некаторы час адкладалася. Нарэшце, 12 мая стала вядома пра звальненне дырэктара інстытута Сяргея Дубовіка, а ўжо 13 красавіка лёс установы вызначылі на Савеце Белдзяржуніверсітэта.
Назад да факультэту
Па рашэнні Савета БДУ, са складу Інстытута журналістыкі ў гэтым годзе будзе выведзены факультэт павышэння кваліфікацыі і перападрыхтоўкі — яму плануюць надаць статус адзінага навукова-метадычнага і каардынацыйнага цэнтра дадатковай адукацыі дарослых.
Такім чынам, на месцы ІЖ будзе створаны факультэт. Пакуль рэарганізацыя не закране колькасць кафедраў або супрацоўнікаў. На сёння факультэт складаецца з дзесяці кафедраў, працуюць на іх каля двухсот чалавек — уключаючы 133 штатных выкладчыка і 67 сумяшчальнікаў.
Пытанне аб перайменаванні Інстытута журналістыкі пакуль не вырашана.
Навошта рэарганізуюць ІЖ БДУ?
Пасля вылучэння факультэта перападрыхтоўкі ў асобную структурную адзінку на яго базе будуць павышаць кваліфікацыю не толькі журналістам, але і спецыялістам іншых абласцей: факультэт будзе займацца падрыхтоўкай і каардынацыяй адпаведных праграм. Такім чынам, дададковай адукацыі ў ВНУ стане больш — больш і прыбытку ва ўніверсітэта.
Сам журфак у рамках дзейнасці як інстытут асобных рахункаў не меў — заставаўся такім жа структурным падраздзяленнем, як і любы іншы факультэт.
Пакуль Інстытут журналістыкі будзе функцыянаваць пад ранейшай назвай, функцыі кіраўніка будзе выконваць дацэнт Вольга Самусевіч. Рашэнне аб новым дырэктары Інстытута і дэкане факультэта журналістыкі будзе вядома пазней.
