МІНСК, 13 кра — Sputnik. Экіпаж беларускай каманды "МАЗ-СПОРТаўта", якім кіраваў Сяргей Вязовіч, заняў другое месца ў катэгорыі Т4 ў пралогу этапу Кубка Расіі "Золата Кагана", паведаміла прэс-служба "стайні".
Васьмікіламетровы адрэзак па Астраханскай вобласці хутчэй за ўсіх прайшоў расійскі экіпаж Эдуарда Мікалаева на КамАЗе. Прычым трохразовы пераможца "Дакара" пілатуе грузавік капотнай кампаноўкі, празваны "чорным рыцарам" за характэрную афарбоўку. Трэцім, пасля Вязовіча прыбыў на фініш яшчэ адзін экіпаж КамАЗа, Дзмітрыя Сотнікава.
Другі беларускі каміон, якім кіруе Аляксей Вішнеўскі, скончыў пралог пятым.
Арганізатарам гонкі давялося крыху змяніць маршрут пралогу — ім перашкодзіў разліў ракі Волгі.
У гэтым годзе "МАЗ-СПОРТаўта" ўдзельнічае ў "Золаце Кагана" двума экіпажамі — Аляксандр Васілеўскі прадстаўляе беларускую каманду на Міжнароднай выставе ў Кіеве, дзе пілот зладзіў паказальны заезд.
У пятніцу стартаваў першы этап гонкі. Экіпажы пераадолеюць 342 кіламетры, першая частка спецучастка пройдзе па бездаражы, другая — па хуткасных дарогах.
