МІНСК, 15 кра — Sputnik. Мотасезон-2018 афіцыйна стартаваў у Беларусі ў гэтыя выхадныя, паведамляе карэспандэнт Sputnik.
Адкрывалі мотасезон ў гэтым годзе ў рамках выставы "Мотавелаэкспа" на пляцоўцы Палаца спорту ў сталіцы. Акрамя самой выставы, тут праходзіць шэраг мерапрыемстваў — ад параду байкераў да чэмпіянату краіны па кастамайзінгу.
Сезон для аматараў матацыклаў афіцыйна адкрылі ў Мінску 15 красавіка. Прымеркаваныя да гэтай падзеі мерапрыемствы наведаў і карэспандэнт Sputnik — у яго аб'ектыў трапілі ўдзельнікі і госці выставы, а таксама парад байкераў.
Вялікіх цяжкасцяў на дарогах масавы праезд матацыклістаў ў нядзелю не выклікаў. Выпадковыя прахожыя і гледачы былі рады такому бясплатнаму шоу — многія махалі і віталі ўдзельнікаў мерапрыемства.
Афіцыйнага старту сезону неўзабаве чакаюць і прыхільнікі знакамітых "Харлеяў" — H.O.G. Spring Challenge пройдзе ў Мінску ўжо 29 красавіка, у яго рамках па горадзе таксама чакаецца сапраўдны мотапарад і шмат тэматычных мерапрыемстваў.
