МІНСК, 15 кра — Sputnik. Экзамен на права кіравання матацыклам пачнуць прымаць па новых правілах у Беларусі ўжо з 22 красавіка, заявіў журналістам намеснік начальніка УДАІ МУС Аляксандр Цагельнік.
Па словах Цагельніка, ужо з 22 красавіка практычны экзамен на права кіравання матацыклам будуць прымаць па новых правілах — Дзяржаўтаінспекцыя ініцыявала іх яшчэ ў мінулым годзе.
"У экзамен дададзеныя раней анансаваныя элементы: змейка і манеўраванне ва ўмовах абмежаванага часу", — растлумачыў прадстаўнік ДАІ.
Усе падраздзяленні Дзяржаўтаінспекцыі да такіх зменаў ўжо гатовыя. Як раней тлумачылі спецыялісты, дзякуючы новым элементам у экзамене можна будзе меркаваць пра гатоўнасць матацыклістаў да выкарыстання транспартных сродкаў. Раней экзамен прымалі досыць ліберальна, з-за чаго некаторыя байкеры не маглі выканаць самыя простыя элементы.
