Нацыянальнае ўпраўленне ЗША па аэранаўтыцы і даследаванню касмічнай прасторы (NASA) прадставіла відэа, з дапамогай якога можна здейсніць шпацыр па паверхні нашага спадарожніка.
Тур зроблены ў выглядзе фотапаездкі, яе даўжыня — 2 500 кіламетраў. Яна праходзіць праз самыя вядомыя і цікавыя славутасці спадарожніка Зямлі: кратэры, палюсы, месяцовыя "моры", і нават месца высадкі місіі "Апалон-17".
Відэа створана ў раздзяленні 4К, што дазваляе дэталёва разгледзець падрабязнасці паверхні. Яно грунтуецца на фотаздымках, якія былі атрыманы за апошнія дзевяць гадоў працы касмічнага апарата Lunar Reconnaissance Orbiter (LRO).
LRO вывучаў і рабіў фотаздымкі з чэрвеня 2009 года, аблятаючы Месяц на вышыні 50 кіламетраў, што дазволіла захапіць у аб'ектыў даволі дробныя дэталі яго "жыцця".
Музыку да роліка напісалі кампазітары Фрэдэрык Уедман, Бенджамін Краўзэ і Скот Гудман.
