МІНСК, 19 кра — Sputnik. Працэдура ідэнтыфікацыі карыстальнікаў інтэрнэт-рэсурсаў будзе ўстаноўлена Саветам міністраў Беларусі, заявіў у чацвер міністр інфармацыі рэспублікі Аляксандр Карлюкевіч.
Беларускія дэпутаты ў чацвер у першым чытанні ўхвалілі законапраект аб зменах заканадаўства ў сферы сродкаў масавай інфармацыі. Сярод самых папулярных зменаў — неабходнасць ідэнтыфікацыі карыстальнікаў сайтаў, у прыватнасці — каментатараў.
Парламентарыі запыталіся ў міністра інфармацыі аб магчымых метадах ідэнтыфікацыі каментатараў.
"Напэўна, ідэнтыфікацыя будзе ўведзена пры дапамозе тэлефоннай смс-рэгістрацыі. […] Праз смс будзе адпраўляцца паведамленне з адмысловым кодам", — сказаў Карлюкевіч.
Ідэнтыфікацыю могуць ўвесці і іншым шляхам, дадаў міністр. У цэлым працэдуру будзе пазней вызначаць Савет міністраў.
Перад разглядам законапраекта ў другім чытанні парламентарыі паабяцалі ўлічыць прапановы прафесійнай супольнасці і грамадзян.
