МІНСК, 24 кра — Sputnik. Мінск і Масква дамовіліся абмеркаваць змены ў міжурадавае пагадненне аб рэадмісіі, паведаміла прэс-служба МУС Беларусі.
У Маскве раней прайшло пасяджэнне рабочай групы з удзелам прадстаўнікоў дзвюх краін з нагоды ўзгаднення міграцыйнай палітыкі. На парадак дня таксама была вынесена рэалізацыя пагаднення аб рэадмісіі.
"У выніку бакі дамовіліся аб правядзенні двухбаковых перамоў па пытанні ўнясення зменаў у названы дакумент", — падкрэслілі ў МУС.
Міністэрства адзначае, што ў ходзе пасяджэння абмяркоўвалася канцэпцыя міграцыйнай палітыкі паміж Беларуссю і Расіяй. У прыватнасці ішла гаворка аб забеспячэнні ўезду і знаходжання ў Саюзнай дзяржаве замежных заўзятараў, якія збіраюцца наведаць Чэмпіянат свету па футболе 2018.
Таксама бакі абмеркавалі пытанні стварэння абароненага канала сувязі і ўзаемадзеянне па спыненні незаконнай міграцыі.
