Групу з 11 лыжніц узначаліла дасведчаная брытанская падарожніца Фелісіці Эстан. У экспедыцыі ўдзельнічалі жанчыны з 10 краін, не толькі еўрапейскіх, але і Саудаўскай Аравіі, Кувейта, Катара і іншых арабскіх дзяржаў.
Большасць з удзельніц экспедыцыі ўпершыню прымалі ўдзел у падобным мерапрыемстве, многія толькі нядаўна сталі на лыжы.
Адважныя вандроўніцы пераадолелі 82 кіламетры па вечнай мерзлаце ва ўмовах завей і парывістага ветру. Ужо на зваротным шляху іх сустрэў верталёт і мужчыны з кветкамі.
