МІНСК, 30 кра — Sputnik. Беларуска Вольга Мазуронак фінішавала першай з рэкордам спаборніцтваў на марафоне ў Дзюсельдорфе, паведамляе прэс-служба Беларускай федэрацыі лёгкай атлетыкі.
Бягуха пераадолела дыстанцыю 16-га марафону METRO Marathon Düsseldorf за 2 гадзіны 25 хвілін 25 секунд. Яна апярэдзіла ўдзельніцу з Германіі Фаб'ен Амрейн, якая стала другой, больш чым на 7 хвілін. Трэцяй прыйшла да фінішу прадстаўніца Кеніі Роўз Мару.
Нагадаем, што Мазуронак з'яўляецца рэкардсменкай Беларусі ў марафоне з вынікам 2 гадзіны 23 хвіліны і 54 секунды, які яна паказала два гады таму на марафоне ў Лондане. Акрамя таго, у сакавіку бягуха абнавіла нацыянальнае дасягненне ў паўмарафоне на чэмпіянаце свету ў Валенсіі, паказаўшы вынік 1 гадзіна 10 хвілін 57 секунд.
