Да такой падзеі, як выпускны, кожная школьніца рыхтуецца загадзя: туфлі, аксэсуары, прычоска і, вядома, самая прыгожая сукенка.
Часцяком падрыхтоўка да выпускнога прыносіць больш задавальнення, чым само свята, таму падыходзіць да выбару ўбору варта старанна.
Sputnik падабраў некалькі выдатных варыянтаў для сярэдняга кашалька, каб даказаць, што быць зоркай выпускнога вечара не значыць купіць самую дарагую сукенку.
Міні і пайеткі
У гэтым годзе большасць крам з сегмента мас-маркет зноў прапанавалі пакупніку пайеткі. І сапраўды, выдатны варыянт для выпускнога вечара: дапоўніце вобраз аднатоннымі туфлямі-лодачкамі, сціплым клатчам, доўгімі завушніцамі — і вуаля!
Заўсёды памятайце пра даўжыню, на некаторых відах фігур вельмі кароткая сукенка будзе выглядаць пошла і недарэчна.
Упрыгажэнні і "ў падлогу"
Не забывайце пра даўжыню. Выпускны вечар — гэта выдатная нагода прымерыць сукенку прынцэсы. Напрыклад, купіце сукенку ў падлогу або даўжыні мідзі, упрыгожаную шклярусам, бліскаўкамі, вузкімі пацеркамі або іншымі дэкаратыўнымі элементамі.
Падбярыце для падобнай сукенкі простыя туфлі на абцасе і няяркія ўпрыгажэнні. Расшытыя сукенкі і без таго выглядаюць святочнымі.
Лэдзі ў белым
Сукенкі ў падлогу заўсёды вельмі выгадна выглядаюць, падкрэсліваюць жаноцкасць і сэксуальнасць. З сэксуальнасцю, дарэчы, галоўнае не перастарацца.
Белая сукенка выглядае святочнай, але пры гэтым яна зусім непрактычная. Калі вы выбіраеце для выпускнога вечара нарад дадзенага колеру, вы павінны быць упэўнены, што па заканчэнні вечара сукенка па-ранейшаму будзе белай, інакш вы будзеце выглядаць вельмі недарэчна.
Акрамя таго, белы колер абавязкова падкрэсліць недахопы, падобны нарад будзе выглядаць выйгрышна толькі на дзяўчатах з добрай фігурай.
Дапоўніць вобраз можна аксэсуарамі любога колеру.
Маленькая чорная сукенка
Ніколі не забывайце пра класіку. Нават сукенка чорнага колеру можа быць з разыначкай. У крамах сярэдняй коштавай катэгорыі выбар падобных сукенак вялікі, але не кожная дзяўчына адважыцца на падобны вобраз. Так што смела складайце выпускны ўбор. Каб зрабіць вобраз больш святочным, спалучайце маленькую чорную сукенку, напрыклад, з бліскучымі туфлямі-лодачкамі і маленькай сумачкай праз плячо.
Кветкавы прынт
Нават на выпускным балі не варта забываць пра кветкі. У гэтым сезоне яны зноў у модзе, так што смела выбірайце сукенку з кветкавым прынтам. Падбірайце сукенку даўжыні міні, мідзі або максі, але не перашчыруйце з аксэсуарамі: кветкі — прынт самадастатковы.
