Залатыя, медыцынскія, з вечным календаром: у Мінску паказалі лепшыя гадзіннікі

© Sputnik / Виктор ТолочкоРарытэтныя мадэлі гадзіннікаў, выпушчаныя ў часы СССР
Рарытэтныя мадэлі гадзіннікаў, выпушчаныя ў часы СССР - Sputnik Беларусь
Гонар беларускай гадзіннікавай справы можна ацаніць у дэталях у рэпартажы Sputnik.

Гісторыя Мінскага гадзіннікавага завода вядзе свой адлік з 1953 года. У савецкія часы былі выпушчаныя ў літаральным сэнсе мільёны гадзіннікаў. Зараз за шматлікімі мадэлямі ідзе сапраўднае паляванне.

У самым цэнтры беларускай сталіцы ў флагманскай краме Мінскага гадзіннікавага завода адкрылася выстава, дзе прадстаўлена амаль 200 рарытэтных мадэляў, выпушчаных у часы СССР. Пазнаёміцца з лепшымі ўзорамі беларускіх гадзіннікаў адправіўся карэспандэнт Sputnik Станіслаў Андросік.

Легенда №2209

Выстава падзелена на два вялікія стэнды, і гэта невыпадкова. Свае калекцыі пазычылі на час працы выставы два захопленыя гадзіннікавай справай мінчаніна.

© Sputnik / Виктор ТолочкоВыстава працуе прама ў краме Мінскага гадзіннікавага завода
Выставка работает прямо в магазине Минского часового завода - Sputnik Беларусь
Выстава працуе прама ў краме Мінскага гадзіннікавага завода

На першым стэндзе прадстаўлены сапраўдны гонар гадзіннікавага завода — ультратонкая мадэль 2209. Зараз такія гадзіннікі прынята называць "касцюмнікамі". У свой час гэта былі самыя тонкія механічныя гадзіннікі, якія выпускаліся ў Савецкім Саюзе.

© Sputnik / Виктор ТолочкоУльтратонкая мадэль 2209, выкананая ў суцэльна залатым корпусе
Ультратонкая модель 2209, выполненная в цельно золотом корпусе - Sputnik Беларусь
Ультратонкая мадэль 2209, выкананая ў суцэльна залатым корпусе

Сярод знаўцаў гісторыі мінскіх гадзіннікаў ходзіць нават гісторыя, што ў "Сямнаццаці імгненнях вясны" Шцірліц ў выкананні Вячаслава Ціханава носіць менавіта гэтую мадэль. Гэтыя гадзіннікі былі настолькі папулярнымі, што апошняя мадэль была выпушчана на заводзе ў Мінску ў 1987 годзе.

Сапраўдныя знатакі гадзіннікавага мастацтва, а ў гэтым выпадку яшчэ і ювелірнага, будуць ўражаныя адной з варыяцый мадэлі 2209, якая выканана ў суцэльна залатым корпусе.

Прычым гэта не штампоўка, корпус быў вытачаны з поўнамаштабнай нарыхтоўкі. Усе астатнія гадзіннікі ў далейшым выпускаліся выключна з пазалотай.

© Sputnik / Виктор ТолочкоГадзіннік да Алімпіяды - 1980
Часы к Олимпиаде - 1980 - Sputnik Беларусь
Гадзіннік да Алімпіяды - 1980

Калі разглядаеш цыферблаты гадзіннікаў, якім ужо больш за сорак гадоў, міжволі аддаеш належнае старым беларускім майстрам гадзіннікавай справы. Самага спрактыкаванага гледача яны ўразяць сваім майстэрствам.

© Sputnik / Виктор ТолочкоЦыферблаты гадзіннікаў, створаныя з ужываннем аэраграфіі
Циферблаты часов, созданные с применением аэрографии - Sputnik Беларусь
Цыферблаты гадзіннікаў, створаныя з ужываннем аэраграфіі

Тут ёсць і цыферблаты з ужываннем аэраграфіі, і пасрэбраныя з выпілаванымі насечкамі, камбінаваныя з дзвюх частак.

© Sputnik / Виктор ТолочкоТак выглядае гаддзіннік - "вечны" цыферблат
Посеребренные часы с выпиленными насечками - вечный циферблат - Sputnik Беларусь
Так выглядае гаддзіннік - "вечны" цыферблат

Гадзіннікі замест танометраў

Другі стэнд прадстаўлены куды меншай колькасцю гадзіннікаў, але мадэлі на ім спрэс унікальныя. У вочы адразу кідаюцца сапраўдныя медыцынскія гадзіннікі. Гэтая мадэль не была ў шырокім продажы, а рэалізоўвалася строга сярод медыцынскіх работнікаў.

© Sputnik / Виктор Толочко"Медыцынскі" гадзіннік са шкалой для вымярэння ціску
Медицинские часы со шкалой для измерения давления - Sputnik Беларусь
"Медыцынскі" гадзіннік са шкалой для вымярэння ціску

Цыферблат гэтых гадзіннкаў адрозніваецца ад іншых мадэляў Мінскага гадзіннікавага завода тым, што там ёсць спецыяльныя дзяленні, якія дапамагалі ўрачам вызначыць крывяны ціск у пацыентаў. У касмічнай дзяржаве проста не хапала танометраў, і выпуск спецыяльных гадзіннікаў быў куды больш простым рашэннем.

Пазнаёміцца з лепшымі ўзорамі беларускіх гадзіннікаў можна да 13 мая
Ознакомиться с лучшими образцами белорусских часов можно до 13 мая - Sputnik Беларусь
Пазнаёміцца з лепшымі ўзорамі беларускіх гадзіннікаў можна да 13 мая

У свае часы беларускія гадзіншчыкі ішлі ў нагу з сусветнымі вытворцамі. Калі ў канцы 60-х гадоў пачаўся бум папулярнасці гадзіннікаў з кварцавым механізмам, у Беларусі даволі хутка асвоілі тэхнічную навінку.

© Sputnik / Виктор ТолочкоЭлектрамеханічныя гадзіннікі даволі масіўныя, так як спалучаюць у сабе два механізмы
Электромеханические часы довольно массивные, так как сочетают в себе два механизма - Sputnik Беларусь
Электрамеханічныя гадзіннікі даволі масіўныя, так як спалучаюць у сабе два механізмы

Папулярнасць кварцавых і электрамеханічных гадзіннікаў, якія зараз сустракаюцца досыць рэдка, тлумачылася тым, што іх адрознівала куды больш высокая дакладнасць ходу, ды і заводзіць кожны дзень іх не было патрэбы.

Мінскі гадзіннікавы завод выпускаў два адпаведныя калібры 3045 і 3055. Прычым другі электрамеханічны механізм быў супрацьударным, які адрознівае вельмі высокая дакладнасць ходу, мадэль таксама была абсталявана падвойным календаром імгненнага дзеяння.

© Sputnik / Виктор ТолочкоТакія гадзіннікі выпускаліся ў 1990-я гады
Такие часы выпускались в 1990-е годы - Sputnik Беларусь
Такія гадзіннікі выпускаліся ў 1990-я гады

На другім стэндзе нават ёсць гадзіннікі, якія аснашчаны вечным календаром. У свой час гэта быў самы сапраўдны канкурэнт для японскіх гадзіннікаў Orient. Толькі "японец" быў разлічаны на працу да 2013 года, а беларускія гадзіннікі будуць служыць і цяпер свайму гаспадару.

© Sputnik / Виктор ТолочкоГадзіннік з вечным календаром
Часы с вечным календарем - Sputnik Беларусь
Гадзіннік з вечным календаром
© Sputnik / Виктор ТолочкоСамыя маленькі гадзінічак на выставе - памерам з пазногцік
Самые маленькие часики на выставке - размером с ноготок - Sputnik Беларусь
Самыя маленькі гадзінічак на выставе - памерам з пазногцік

Мінскі гадзіннікавы завод рабіў не толькі мініяцюрныя і кішэнныя гадзіннікі, ужо тады беларускія гадзіншчыкі думалі пра людзей, якія адпраўляюцца ў падарожжа. Арыгінальным рашэннем стала стварэнне гадзіннікаў з двума цыферблатамі.

© Sputnik / Виктор ТолочкоГадзіннік з магчымасцю сачыць за часам у двух часавых паясах
Часы с возможностью следить за временем в двух часовых поясах - Sputnik Беларусь
Гадзіннік з магчымасцю сачыць за часам у двух часавых паясах

Амаль 200 рарытэтных мадэляў беларускіх гадзіннікаў можна цалкам бясплатна ўбачыць у самым цэнтры беларускай сталіцы па адрасе праспект Незалежнасці, 18 аж да 13 мая.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі