Прадстаўнік Беларусі на конкурсе "Еўрабачанне 2018" украінскі выканаўца Alekseev не прайшоў у фінал конкурсу, што, у прынцыпе, было відавочна загадзя, лічаць старшыня журы 1-га этапу нацыянальнага адбору на міжнародны конкурс "Еўрабачанне", заслужаны артыст рэспублікі Беларусь Валерый Дайнека і вядучы радыё Sputnik Беларусь Вячаслаў Шарапаў.
Раней суразмоўцы сышліся ў меркаванні адносна невысокіх шанцаў выканаўцы скарыць сэрцы еўрапейскай публікі, а цяперашні выступ у паўфінале, нягледзячы на красаванне руж на спіне канкурсанта, выклікаў хутчэй жаль, чым нейкі пазітыўны эмацыйны водгук.
"Лічу, што Alekseev прайшоў на конкурс незаконна, мне адусюль, нават з Украіны, тэлефанавалі і пыталіся, чаму гэта адбылося, адкуль у сумленнай сінявокай Беларусі такая несправядлівасць: мы не любім сваіх, беларускіх артыстаў? Я першапачаткова быў супраць, таму, напэўна, мяне і не запрасілі ў журы 2-га этапа нацыянальнага адбору. Учора я паглядзеў яго выступ у паўфінале і літаральна з першай ноты, якую ён праспяваў, мне ўсё стала зразумела", — сказаў артыст.
Аб фальшывых нотах і "пеўнях" Alekseev вы пачуеце ў каментары заслужанага артыста Беларусі Валерыя Дайнекі на радыё Sputnik Беларусь.
