МІНСК, 10 мая — Sputnik. Букмекерскія канторы павышаюць малдаўскую групу DoReDos, якую прадзюсуе вядомы спявак Філіп Кіркораў, у рэйтынгах "Еўрабачання 2018".
Другі паўфінал "Еўрабачання 2018" пройдзе ў чацвер у Лісабоне. За дзесяць "пуцёвак" у фінал шоу будуць змагацца прадстаўнікі 18 краін, сярод якіх — Расія, Украіна і Малдова.
Беларусь на "Еўрабачанні" ў гэтым годзе прадставіць трыа DoReDos. Рыхтуе да конкурсу калектыў "кароль расійскай эстрады" Кіркораў, які раней ужо займаўся падрыхтоўкай да конкурсу Сяргея Лазарава, Ані Лорак, Дзмітрыя Калдуна і іншых артыстаў.
Хоць спачатку букмекеры былі не вельмі ўражаныя песняй малдаўскага гурта My Lucky Day, поўнай балканскіх матываў, пастаўлены dream team Кіркорава нумар для "Еўрабачання" шмат каму спадабаўся. У дзень другога паўфіналу DoReDos займаюць восьмае месца ў агульным рэйтынгу і гарантуюць сабе выхад у фінал.
Для нумара групы на конкурсе каманда Кіркорава зноў выкарыстала незвычайныя дэкарацыі: "чароўную" сцэну з відэашэрагам і іншыя "прымочкі". Наколькі гэта ўразіць еўрафанатаў і ці зможа Малдова сёлета паўтарыць леташні поспех на конкурсе, стане вядома ўжо ў суботу.
Фіналісты конкурсу вызначацца ў чацвер па выніках галасавання тэлегледачоў і членаў прафесійнага журы. Гранд-фінал "Еўрабачання 2018" пройдзе ў Лісабоне ў суботу.
