МІНСК, 10 мая — Sputnik. Міжнародны саюз біятланістаў (IBU) узнагародзіў чатырохразовую алімпійскую чэмпіёнку Дар'ю Домрачаву прызам за спартыўную высакароднасць, паведамілі ў прэс-службе IBU.
Беларуская спартсменка перамагла ў галасаванні біятланістаў, якія выступаюць на Кубку свету.
"Домрачава атрымала прыз за спартыўную высакароднасць дзякуючы свайму ўчынку на этапе ў Антхольцы", — гаворыцца ў паведамленні.
Most of you were right: @DaryaDomracheva got voted for the #sportsmanship award by WC athletes, thanks to her great act in @biathlonantholz (check it here: https://t.co/yeWo7uRJqy) pic.twitter.com/MK9dbC1Qbx
— IBU World Cup (@IBU_WC) 10 мая 2018 г.
Нагадаем, у гонцы пераследу на шостым этапе Кубка свету ў італьянскім Антхольцы Домрачава і Даратэя Вірэр вялі барацьбу за другое месца. Перад фінішнай прамой беларуска наступіла на палку сваёй суперніцы, і далей італьянка бегла з адной палкай. Домрачава не стала абганяць Вірэр і ў выніку заняла трэцяе месца.
