МІНСК, 10 мая — Sputnik. Кінастужка "Мсціўцы 4" стане заключнай, студыя Marvel запусціць новую франшызу, у ёй гледачы змогуць убачыць упадабаных герояў, паведаміў часопіс The Hollywood Reporter.
"Гэта не значыць, што ў новай франшызе вы не сустрэнеце па шляху персанажаў "Мсціўцаў", — супакоілі гледачоў прадстаўнікі Marvel.
Трэці фільм з серыі "Мсціўцы" выйшаў на экраны ў канцы красавіка і прыцягнуў увагу высокімі касавымі зборамі ў першыя дні пракату.
Да панядзелка, 7 мая, касавыя зборы "Войны бясконцасці" перавысілі 1,16 мільярда даляраў. Зараз "Мсціўцы" ўваходзяць у топ-15 самых паспяховых фільмаў у гісторыі. Каб патрапіць у дзесятку лепшых, карціне давядзецца абагнаць трэцяга "Жалезнага чалавека" і восьмы "Фарсаж".
Для таго, каб увайсці ў спіс 15 самых касавых фільмаў, карціне спатрэбілася паўтары тыдні.
У мае 2019 года гледачам маюць намер паказаць чацвёртую — заключную частку франшызы. У ёй абяцаюць даць адказы на пытанні, якія ўзніклі пасля прагляду трэцяй часткі франшызы.
