МІНСК, 11 мая — Sputnik. Букмекерскія канторы абнавілі тройку фаварытаў "Еўрабачання 2018" напярэдадні правядзення гранд-фіналу конкурсу.
Фіналісты папулярнага песеннага конкурсу "Еўрабачанне" вызначыліся на гэтым тыдні па выніках двух паўфіналаў. За перамогу ў шоу 12 мая пазмагаюцца прадстаўнікі 26 дзяржаў.
Букмекерскія канторы пасля другога паўфіналу абнавілі тройку фаварытаў конкурсу. Па-ранейшаму галоўнымі прэтэндэнтамі на перамогу лічацца Элен Фурэйра з Кіпра і Нета Барзілай з Ізраіля. Трэці радок пакуль займае французскі дуэт Madame Monsieur.
У прадстаўнікоў гэтых краін, на думку букмекерскіх кантор, найбольшыя шанцы на перамогу ў "Еўрабачанні 2018".
У пяцёрку лепшых, акрамя вышэйназваных, таксама ўваходзяць Міхаэль Шультэ з Германіі і Ева Засімаускайтэ з Літвы. Прадстаўнікі Нарвегіі Аляксандр Рыбак і Эстоніі Эліна Нячаева, якія раней лічыліся фаварытамі, знаходзяцца ў другой палове першай дзесяткі.
Замыкаюць жа агульны рэйтынг фіналістаў прадстаўнікі Албаніі, Славеніі і Сербіі. У артыстаў з гэтых краін практычна няма шанцаў на перамогу ці высокае месца ў фінале "Еўрабачання".
Пераможца "Еўрабачання" вызначаецца галасаваннем тэлегледачоў і членаў прафесійнага журы. Краіна, чый прадстаўнік перамог у шоу, атрымлівае права правесці наступны конкурс у сябе.
