МІНСК, 23 мая — Sputnik. Былы міністр унутраных спраў БССР Віктар Піскароў памёр на 90-м годзе жыцця, паведамілі Sputnik у прэс-службе Гродзенскага УУС.
Піскароў узначальваў МУС БССР з 1984 па 1990 год, да гэтага ён працаваў начальнікам Галоўнага ўпраўлення Дзяржаўтаінспекцыі МУС СССР і намеснікам кіраўніка ведамства ў БССР.
Не стала Піскарова ў аўторак. Былому міністру было 89 гадоў.
Ён сышоў у адстаўку з пасады міністра ў 1990 годзе, з тых часоў дзяржаўных пастоў не займаў. З 2001 года Піскароў узначальваў Савет Беларускай грамадскай арганізацыі ветэранаў органаў унутраных спраў і ўнутраных войскаў.
Піскароў таксама быў дэпутатам Вярхоўнага Савета БССР 11 і 12 скліканняў. Заслужаны юрыст Беларусі, кандыдат юрыдычных навук (тэма дысертацыі — "Арганізацыя прафілактыкі правапарушэнняў ва ўмовах звышбуйнога горада"). Ганараваны двума ордэнамі Працоўнага Чырвонага Сцяга і іншымі ўзнагародамі.
