Дзеці з Сірыі прыедуць на лета ў беларускі лагер "Зубраня"

© Sputnik / Виктор ТолочкоДзеці з Сірыі прыехалі на адпачынак у Мінск, архіўнае фота
Дзеці з Сірыі прыехалі на адпачынак у Мінск, архіўнае фота - Sputnik Беларусь
Падпісацца на
НовостиTelegram
Грошы на арганізацыю адпачынку і аздараўлення 300 дзяцей з Сірыйскай Арабскай Рэспублікі ў адукацыйна-аздараўленчым цэнтры "Зубраня" вылучаюцца з Рэзервовага фонду прэзідэнта Беларусі.

МІНСК, 25 мая — Sputnik. Трыста сірыйскіх дзяцей прыедуць на аздараўленне ў Нацыянальны дзіцячы адукацыйна-аздараўленчы цэнтр "Зубраня" ў перыяд з мая па чэрвень, паведамілі ў прэс-службе кіраўніка дзяржавы.

Як сустракалі сірыйскіх дзяцей у Нацыянальным аэрапорце Мінск - Sputnik Беларусь
Відэа
Усё вельмі прыгожа: першыя водгукі аб Беларусі ад сірыйскіх дзяцей

Распараджэнне аб аздараўленні было падпісана прэзідэнтам Аляксандрам Лукашэнкам 24 мая. Сродкі на аздараўленне выдзяляюцца з прэзідэнцкага Рэзервовага фонду.

"Запрашэнне ў Беларусь дзяцей з Сірыі накіравана на рэалізацыю дасягнутых дамоўленасцей па далейшым развіцці супрацоўніцтва паміж краінамі ў гуманітарна-адукацыйнай сферы", — паведамілі ў прэс-службе.

Сірыйскіх дзяцей чакаюць не толькі санаторна-аздараўленчыя паслугі, але і экскурсійна-культурныя і спартыўна-масавыя мерапрыемствы, які пройдуць ў сталіцы і іншых рэгіёнах краіны.

Нагадаем, што дзеці з Сірыі прыязджаюць у Беларусь на аздараўленне не ўпершыню: у жніўні 2017 года 80 хлопчыкаў і дзяўчынак адпачывалі ў лагерах "Зубраня" і "Крынічка", а ў студзені 2018 года 145 дзяцей гасцявалі ў "Зубраняці".

Яшчэ ў 2017 годзе прэзідэнт Беларусі прапанаваў міністру сацыяльных спраў і працы Сірыі арганізоўваць такі дзіцячы адпачынак на рэгулярнай аснове. Акрамя праграмы адпачынку, Лукашэнка прапанаваў таксама разгледзець магчымасць навучання дзяцей.

Стужка навiн
0