МІНСК, 26 мая — Sputnik. Дзеючага старшыню Беларускай федэрацыі біятлона Андрыяна Цыбульскага ў суботу 26 мая зноў пераабралі на гэтую пасаду, паведамілі ў прэс-службе БФБ.
На справаздачна-выбарчай канферэнцыі федэрацыі быў абраны яе кіраўнік і яго намеснік, прэзідыум, вызначаны склад назіральнага савета і кантрольна-рэвізійнай камісіі. Акрамя таго, на пасяджэнні падвялі вынікі алімпійскага сезону і агучылі новыя задачы на будучы алімпійскі цыкл.
Цыбульскі стаў старшынёй БФБ ў маі 2017 года, ён змяніў на гэтай пасадзе старшыню КДБ Валерыя Вакульчыка, які з'яўляецца старшынёй назіральнага савета БФБ.
Намеснікам старшыні БФБ стаў Ігар Кузняцоў, генеральным сакратаром выбрана Дар'я Домнікава. На пасаду старэйшага трэнера па развіццю біятлона рэкамендавалі Анатоля Стромскага.
Падчас канферэнцыі былі вырашаны не толькі арганізацыйныя пытанні: кіраўніцтва БФБ узнагародзіла спецыялістаў па фізічнай культуры, якім удалося падрыхтаваць юных спартсменаў для залічэння ў эксперыментальную групу па біятлоне.
