МІНСК, 29 мая — Sputnik. Міністры замежных спраў Беларусі і Расіі Уладзімір Макей і Сяргей Лаўроў падпісалі "спартовае пагадненне", якое прадугледжвае магчымасць перасячэння замежнымі заўзятарамі ўнутранай мяжы Саюзнай дзяржавы, перадае карэспандэнт Sputnik.
Замежныя грамадзяне, згодна з бягучымі правіламі, не могуць перасякаць унутраную мяжу Беларусі і Расіі — з-за адсутнасці міжнародных пунктаў пропуску. Асабліва актуальным пытанне з перасячэннем замежнікамі мяжы з'яўляецца напярэдадні буйных спартыўных мерапрыемстваў — Чэмпіянату свету па футболе ў Расіі і Еўрапейскіх гульняў у Беларусі.
Міністры замежных спраў Беларусі і Расіі ў аўторак падпісалі так званае "спартовае пагадненне". Дакумент прадугледжвае магчымасць перасячэння беларуска-расійскай мяжы замежнымі грамадзянамі, якія маюць "пашпарты заўзятараў" і зарэгістраваныя адпаведным чынам.
Паміж краінамі будзе працягвацца праца па падрыхтоўцы пагаднення аб узаемным прызнанні візаў — дакумент можа быць гатовы ўжо да канца гэтага года.
